4 qyrkúıek. Tulǵalar týǵan kún
ESІMDER
82 jyl buryn (1942) jazýshy, dramatýrg, Qazaqstan Respýblıkasy Memlekettik syılyǵynyń laýreaty, QR eńbegi sińgen qyzmetkeri Tólen ÁBDІK dúnıege keldi.
Ol Qostanaı oblysynyń Jangeldın aýdanyndaǵy Eńbek aýylynda týǵan. 1965 jyly Ál-Farabı atyndaǵy Qazaq memlekettik ulttyq ýnıversıtetin bitirgen.
1965-1970 jyldary «Qazaqstan pıoneri» (qazirgi «Ulan») gazetinde ádebı qyzmetker, bólim meńgerýshisi, 1970-1977 jyldary «Jalyn» almanahynda bólim meńgerýshisi, bas redaktordyń orynbasary, 1977-1979 jyldary «Qazaqfılm» kınostýdııasynda bas redaktor, 1979-1990 jyldary Qazaqstan KP Ortalyq komıtetinde jaýapty qyzmette bolǵan. Biraz jyl «Qazaq ádebıeti» gazetiniń bas redaktory, Qazaqstan Jazýshylar odaǵynyń ekinshi hatshysy bolyp istedi. 1993-2008 jyldary QR Prezıdenti ákimshiliginde jaýapty qyzmette boldy.
Halyqaralyq Kafka jáne Qazaqstandaǵy PEN klýb syılyqtarynyń laýreaty (2003). QR Memlekettik syılyǵynyń laýreaty.
76 jyl buryn (1948) aqyn, Qazaqstan Respýblıkasynyń 1992 jyly qabyldanǵan Memlekettik Ánurany mátini avtorlarynyń biri Jadyra DÁRІBAEVA dúnıege keldi.
Qyzylorda oblysynyń Tereńózek aýdanynda týǵan. Qyzylorda qalasyndaǵy M.Mámetova atyndaǵy Qyzdar pedagogıkalyq ýchılışesin, Qyzylorda pedagogıkalyq ınstıtýtynyń fılologııa fakýltetin, Máskeýdegi M.Gorkıı atyndaǵy Ádebıet ınstıtýtynyń kórkem aýdarma bólimin bitirgen.
1978-1991 jyldary Máskeýdegi A.Lýnacharskıı atyndaǵy Memlekettik teatr óneri ınstıtýtynda (GITIS) qazaq akterler bóliminde dáris bergen. 1982-1990 jyldary Qazaqstan Jazýshylar odaǵynda sekretarıat meńgerýshisi, 1991-1992 jyldary «Qazaqstan áıelderi» jýrnalynda bólim meńgerýshisi bolǵan.
55 jyl buryn (1969) Qazaqstan Respýblıkasy Parlamenti Májilisiniń depýtaty Erkin Amanjoluly ÁBІL dúnıege keldi.
1992 jyly Qostanaı oblysynda týǵan. Akademık E.Bóketov atyndaǵy Qaraǵandy memlekettik ýnıversıtetin bitirgen.
Eńbek joly: 1992-2009 jyldary QR Іshki ister mınıstrliginiń jáne QR Ádilet mınıstrliginiń oqý oryndarynda jumys istedi, 2009-2016 jyldary QMPI ǵylymı jumys jáne halyqaralyq qatynastar jónindegi prorektory, 2016-2020 jyldary Ómirzaq Sultanǵazın atyndaǵy Qostanaı memlekettik pedagogıkalyq ýnıversıtetiniń rektory bolǵan. 2020-2023 jyldary Memleket tarıhy ınstıtýtynyń dırektory laýazymyn atqardy.
2023 jyldyń naýryz aıynan bastap qazirgi qyzmetinde.
«Qazaqstan halqy Assambleıasyna 20 jyl» «Qazaqstan Respýblıkasynyń táýelsizdigine 25 jyl», «Qazaqstan máslıhattaryna 25 jyl» merekelik medaldarymen marapattalǵan; «Qazaqstan Respýblıkasynyń ǵylymyn damytýǵa sińirgen eńbegi úshin», «Bilim jáne ǵylym qyzmetkerleri kásipodaǵynyń qyzmetine sińirgen eńbegi úshin» tósbelgilerimen marapattalǵan.
49 jyl buryn (1975) Qazaqstan Respýblıkasynyń Ortalyq memlekettik mýzeıiniń bas dırektory Rashıda Erimqyzy HARIPOVA týǵan.
Atyraý oblysy Atyraý qalasynda dúnıege kelgen.
H.Dosmuhamedov atyndaǵy Atyraý memlekettik ýnıversıtetin (Bıologııa páni oqytýshysy – 2001), «Narhoz» ýnıversıtetin (Memlekettik jáne jergilikti basqarý mamandyǵy boıynsha ekonomıka jáne bıznes bakalavry – 2016), H.Dosmuhamedov atyndaǵy Atyraý memlekettik ýnıversıtetin (Pedagogıkalyq ǵylymdar magıstri – 2020) támamdaǵan.
Eńbek joly: 1993-1994 jyldary «Jastalap» oqý óndiristik kombınatynda is júrgizýshi, 1994-1999 jyldary bıologııa pániniń muǵalimi, 1999-2001 jyldary kásiptik baǵdar berý jónindegi metodıst, 2001-2003 jyldary dırektordyń oqý óndiristik isteri jónindegi orynbasary, 2003-2009 jyldary Atyraý oblysy tarıhı-ólketaný mýzeıiniń «Ólke tabıǵatyn ǵylymı-zertteý» bóliminiń bólim meńgerýshisi, 2009-2010 jyldary Mýzeı basshysynyń ǵylymı ister jónindegi orynbasary, 2010-2014 jyldary Mýzeı basshysynyń jalpy máseleler jónindegi orynbasary, 2014-2022 jyldary mýzeı basshysy boldy.
Qazirgi qyzmetinde 2022 jyldyń naýryzynan.
96 jyl buryn (1928-2013) áıgili geolog, Qazaqstan Memlekettik syılyǵynyń laýreaty Dúbek Dúısenbekuly DÚISENBEKOV dúnıege kelgen.
Almaty oblysynyń Qaratal aýdanynda týǵan. Qazaq taý-ken ınstıtýtyn (qazirgi Q.Sátbaev atyndaǵy Qazaq ulttyq tehnıkalyq ýnıversıteti) bitirgen.
Jezqazǵan ken baıytý kombınatynda, Tekeli geologııalyq barlaý partııasynda geolog, aǵa geolog, partııa bastyǵy bolǵan. 1966-1993 jyldary Ońtústik Qazaqstan altyn kenin barlaý ekspedıtsııasynda jumys istegen. 1968 jyly Betpaqdalada júrgizgen geologııalyq izdeý jumystarynyń nátıjesinde Aqbaqaı altyn kenin ashqan. 1971-1978 jyldary osy ken ornynda aldyn ala barlaý, jete barlaý jumystaryn júrgizgen.
Sonymen qatar Mıronov vısmýt, Karernyı, Beskempir, Aqsaqal altyn kenderin ashqan. Aqbaqaı kendi aýdanynyń geologııasy, mıneralogııasy, petrografııasy týraly zertteýler júrgizgen. Kóptegen ǵylymı eńbektiń avtory.
2 márte «Eńbek Qyzyl Tý» ordenimen, medaldermen marapattalǵan.