4 qarasha kúni OPEK + kezekti otyrysy ótedi
Baspasóz qyzmetiniń málimetterine qaraǵanda, qazirgi tańda álemdik ekonomıkanyń qalpyna kele bastaǵany baıqalyp otyr jáne energııa resýrstaryna degen suranys artyp keledi.
Suranys pen usynys teńgerimine qol jetkizýdiń arqasynda munaı qorlaryn ortasha bes jyldyq deńgeıge deıin tómendetýge, munaı naryǵyn turaqtandyrýǵa qol jetkizildi.
«Qazaqstan buryn qabyldanǵan sheshimderge sáıkes munaı óndirýdi kezeń-kezeńimen ulǵaıtýdy jalǵastyrýǵa qatysty Kelisimge qatysýshy elderdiń ustanymyn qoldaıdy. Bul tásil munaı naryǵynyń ósip kele jatqan qajettilikteri men turaqtylyǵyn jetkilikti kólemde qamtamasyz etýge múmkindik beredi»,-delingen habarlamada.
Esterińizge sala keteıik, munaı óndirýdi aı saıyn táýligine 400 myń barrelge ulǵaıtý týraly sheshim OPEK+ mınıstrlik kezdesýinde 2021 jylǵy 18 shildede qabyldanǵan bolatyn.