4 energoblok pen 23 qazandyqta jóndeý jumystary áli júrgizilip jatyr
«Jylytý maýsymy Abaı, Aqmola, Atyraý, Shyǵys Qazaqstan, Qaraǵandy, Qostanaı, Pavlodar, Soltústik Qazaqstan oblystarynda jáne Astana qalasynda bastaldy. Aýa raıy jaǵdaıyna baılanysty batys jáne ońtústik óńirlerde jylytý maýsymynyń bastalýy qazan aıynyń ortasynan josparlanyp otyr. Elektr stansalaryndaǵy jóndeý kestesine sáıkes 5 energoblokta, 32 qazandyqta, 28 týrbınada jóndeý jumystary aıaqtaldy. 4 energoblokta, 23 qazandyqta jáne 16 týrbınada jóndeý jumystary túrli kezeńderde júrgizilýde», - dedi mınıstr.
Onyń atap ótýinshe, elektr jelilerinde 19,9 myń shaqyrym elektr jelileri, 376 qosalqy stantsııa jáne 4 046 taratý pýnkti men transformatorlyq qosalqy stansalar jóndeldi. Jóndeý jumystary bekitilgen kestege sáıkes júrgizilip jatyr.
«Jylytý kezeńine daıyndyqty kúsheıtý jáne aldaǵy jylytý maýsymynda tutynýshylardy energııamen jabdyqtaý senimdiligin arttyrý úshin mınıstrlik tarapynan elektr energııasyna shekti tarıfter túzetildi; elektr qýaty naryǵyndaǵy shekti tarıf jáne qaıtarymdy ınvestıtsııalardyń jyldyq lımıti ulǵaıtyldy. 2024 jyly qabyldanǵan sharalar jóndeý jumystaryn qarjylandyrýdy ótken jyldyń deńgeıinen 44 paıyzǵa - 327 mlrd teńgege deıin ulǵaıtýǵa múmkindik berdi», - dedi Almasadam Sátqalıev.