Almatylyqtarǵa sýdy únemdeý úshin engizilgen 4 deńgeıli jańa tarıf túsindirildi

<p>ALMATY. KAZINFORM &ndash; Elde sý, jylý jáne elektr energııasyn tutynýdyń áleýmettik normalary engizildi. Bul týraly óńirlik kommýnıkatsııalar qyzmetinde ótken baspasóz máslıhatynda Tabıǵı monopolııalardy retteý komıtetiniń Almaty qalasy boıynsha departamentiniń basshysy Ásel Bódeneeva málimdedi.</p>

Spıkerdiń sózinshe, sýdy únemdi tutyný maqsatynda lımıtti 4 deńgeıli tarıfpen belgileý engizildi. Bastama úsh negizgi kommýnaldyq qyzmetke qatysty: sýmen jabdyqtaý, jylýmen jabdyqtaý jáne elektrmen jabdyqtaý.

«Kommýnaldyq menshik salasyndaǵy tabıǵı monopolııalar sýbektileriniń qosymsha alǵan tabysy turǵyn úı-kommýnaldyq sharýashylyq salasyndaǵy basym mindetterdi sheshýge, onyń ishinde resýrs únemdeý tehnologııalaryn engizýge, jóndeý jumystaryn júrgizýge, prıborlaýǵa jáne taǵy basqasyna baǵyttalatyn bolady», - dedi Ásel Bódeneeva.

Sýmen jabdyqtaý salasynda tutyný lımıtine baılanysty tórt deńgeıli tarıfti qoldaný kózdelgen, munda ekonomıkalyq shyǵyndar kelesideı bólingen:

І top – aıyna 3 tekshe metrge deıin tutynýshylarǵa qoldanystaǵy tarıf;

ІІ top – aıyna 3-ten 5 tekshe metrge deıin tutynýshylarǵa tarıf qoldanystaǵy tarıften 20% - ǵa joǵary bolady;

ІІІ top – aıyna 5-10 tekshe metrge tarıf 50 %-ǵa joǵary;

ІV top – aıyna 10 tekshe metrden asatyn bolsa eki eselengen tarıf qoldanylady.

Jylýmen jabdyqtaý salasynda tarıfterdi saralaý bir abonentke shaqqandaǵy turǵyn úı alańynyń shamasy boıynsha júzege asyrylady.

І top – 100 sharshy metrge deıin bekitilgen tarıf;

ІІ top – 100-den 200 sharshy metrge deıin tarıf bekitilgennen 10% - ǵa joǵary;

ІІ top – 200 sharshy metrden astam ortasha eńbek tarıfin qoldanatyn bolady.

«Tutynýdyń áleýmettik normalaryn engizý qosymsha tabystyń maqsatty paıdalanylýyn baqylaýmen júzege asatyn bolady», – dep túsindirdi Á. Bódeneeva.

Osyǵan deıin Sý resýrstary jáne ırrıgatsııa mınıstriligi joǵaryda atalǵan tásil 13 mlrd teńge qosymsha tabysqa qol jetkizýge múmkindik beretinin málimdegen edi.