4,5 mıllıonǵa jýyq adamnyń azamattyǵy joq - BUU

ASTANA. QazAqparat – Álemde keminde 4,3 mıllıon adamda qandaı da bir eldiń azamattyǵy joq. Tıisti quqyqtyq mártebeniń bolmaýy bul adamdardyń quqyqtaryna nuqsan keltiredi. Bul týraly BUU BJKB #ІBelong jahandyq naýqanynyń bastalýynyń 8 jyldyǵynda BUU Bosqyndar isteri jónindegi Joǵarǵy komıssary Fılıppo Grandı málimdedi, dep habarlaıdy QazAqparat BUU Jańalyqtar ortalyǵyna silteme jasap.

BUU-nyń bosqyndar isteri jónindegi Joǵarǵy komıssarynyń basqarmasy (BUU BJKB) – azamattyǵy joq adamdardy anyqtaýǵa jáne qorǵaýǵa, sondaı-aq búkil álem boıynsha azamattyǵy joqtyqty boldyrmaýǵa jáne azaıtýǵa ókilettik berilgen halyqaralyq qaýymdastyq. 2014 jyly tıisti azamattyq-quqyqtyq mártebesi joq adamdardy anyqtaý úshin 10 jyldyq #IBelong naýqany bastalǵan bolatyn.

«Osy negizgi quqyqtan aıyrylǵan, týylǵan nemese azamattyǵy joq adamdar aýyr quqyqtyq belgisizdikke tap bolady. Olar adamnyń negizgi quqyqtaryn paıdalana almaıdy jáne qoǵam ómirine tolyq qatysa almaıdy. Olardyń ómiriniń erekshelikteri – oqshaýlaný jáne margınalızatsııa», - dedi Grýndı.
Naýqannyń 8 jylynda kóp nárse jasaldy: 450 myńǵa jýyq azamattyǵy joq adam ózderiniń azamattyǵyn aldy, rastady, al Azııada, Eýropada, Afrıkada jáne Amerıkada ondaǵan myń adamdar endi jańadan qabyldanǵan zańnamalyq ózgeristerdiń nátıjesinde azamattyq alýǵa múmkindik aldy. Jıyrma bir memleket óz aýmaǵynda azamattyǵy joq adamdardy anyqtaý jáne olardy qolastyna alýdy jeńildetý rásimderin engizdi.
30 jyl buryn keıbir adamdar ózderi turyp jatqan eldiń azamattyǵyn rastaı almaı, ala almaı, quqyqtyq turaqsyzdyq jaǵdaıyna tap boldy. Máselen, Qazaqstanda, mysaly, 7,5 myńnan astam azamattyǵy joq adam áli de Qazaqstan azamattyǵyna muqtaj, degenmen olardyń naqty sany odan da kóp bolýy múmkin.
2020-2022 jyldary BUU BJKB qoldaýymen Qazaqstan Úkimeti azamattyǵy joq adamdardy anyqtaý jáne qujattandyrý jónindegi keń aýqymdy jalpyulttyq naýqandy iske asyrdy. Naýqan barysynda 9 myńǵa jýyq azamattyǵy joq adam anyqtaldy, olardyń 4,8 myńy Qazaqstan azamattyǵyn rastady jáne 2,7 myńǵa jýyǵy azamattyǵy joq adamnyń zańdy mártebesin aldy.

Foto: news.un.org