38 jastaǵy meksıkalyq 5 mamyrda Golovkınmen jekpe-jekke daıyn

ASTANA. QazAqparat - Orta salmaqta WBC Silver beldiginiń ıesi, 38 jastaǵy meksıkalyq boksshy Roberto Garsııa (41-3, 24 KO) 5 mamyr kúni Gennadıı Golovkınmen jekpe-jekke shyǵýǵa daıyn ekenin bildirdi, dep habarlaıdy Sports.kz.

«Tom Leffler, men osy aıqasqa shyqqym keletinin bilesiń! Eger GGG 5 mamyrda kezdesý ótkizgisi keletin bolsa, menimen shyqsyn! Oǵan ne kedergi? Men WBC reıtınginde toǵyzynshymyn, Maýrısıo Sýleıman bul jekpe-jekti maquldaıdy. Men jattyqtym, men daıynmyn! Qol qoıaıyq osyǵan! Esh shúbásiz men kelesi qarsylas bolýym kerek. Osy aıqasqa eń laıyǵy menmin», - dep jazdy ol Týıtterdegi paraqshasynda.

Golovkınniń kelesi jekpe-jegi 5 mamyr kúni Los-Andjeles mańyndaǵy Karsonda, StubHub Center arenasynda ótýi tıis.