38 myńnan astam qazaqstandyq Skills Enbek platformasynda mamandyq ıgerdi

<p>ASTANA. KAZINFORM &ndash; 2024 jyldyń basynan beri 38,2 myń azamat, onyń ishinde 21,8 myńǵa jýyq jumyssyz Skills Enbek kásiptik oqytý platformasynda (budan ári &ndash; Platforma) onlaın-kýrstardan ótkeni týraly sertıfıkat aldy. Platformada barlyǵy 408,3 myń qazaqstandyq tirkelgen, onyń 51,6 myńy &ndash; 2024 jyly tirkeldi.</p>

QR Eńbek jáne halyqty áleýmettik qorǵaý mınıstrliginiń málimetinshe, oqýdan ótken 21,8 myń jumyssyz azamattyń 6,5 myńǵa jýyǵy negizinen Aqtóbe, Qyzylorda, Túrkistan, Mańǵystaý oblystarynyń jáne Shymkent qalasynyń jastary.

«Platforma iske qosylǵannan bastap avtorlar ártúrli baǵyttar boıynsha 478 kýrs jarııalady, onyń 244-i tegin. Sondaı-aq, odan ári oqý úshin bilim berý alańdaryna aýysý múmkindigimen Courstore jáne Fluent Education seriktesteriniń kýrstary bar», — delingen habarlamada.

Kýrstardyń uzaqtyǵy 1-den 72 saǵatqa deıin.

Sáýir aıyndaǵy eń kóp suranysqa ıe kýrstar — «Kassır», «Postroenıe otdela prodaj v otele», «Pishý jáne tigý», «Professıonalnyı kýrs ındıvıdýalnogo pomoşnıka dlıa soprovojdenııa lıts s trýdnostıamı v peredvıjenıı» jáne «Osnovy sotsıalnogo predprınımatelstva».

Vedomstvonyń málimdeýinshe, platformada turý jáne tamaqtaný, qurylys jáne TKSh, áleýmettik qyzmet kórsetý, qarjy jáne býhgalterlik esep, aqparattyq tehnologııalar jáne t. b. salalardaǵy túrli mamandyqtar boıynsha tegin kýrstar sany artyp keledi.

Budan buryn habarlaǵandaı, Platforma halyqtyń bilim deńgeıi men kásibıligin arttyrýǵa, mansaptyq damýdy yntalandyrýǵa jáne «ómir boıy oqytý» tujyrymdamasyn ilgeriletýge baǵyttalǵan. Ol marketpleıs — qyzmetter naryǵy qaǵıdaty boıynsha onlaın kýrstarǵa qol jetkizýdi usynatyn halyqaralyq oqytý alańdaryna uqsas qurylǵan.

Oqýǵa skills.enbek.kz siltemesi arqyly nemese enbek.kz saıtyndaǵy «Onlaın oqytý» bólimin tańdaý arqyly tikeleı qol jetkizýge bolady.

Platformada bilim alýshy oqytýdyń qolaıly qarqyny men tilin, materıaldy berýdiń yńǵaıly prıntsıpin derbes tańdaıdy, bilim berý úderisindegi óziniń ilgerileýin baqylaı alady.

«Bilim alýshy úshin artyqshylyqtar: keńeıtilgen kýrstardy izdeý, sabaqtyń túsinikti qurylymy, oqý protsesin baqylaý jáne kýrs avtorlarymen jyldam ózara árekettesý. Oqý aıaqtalǵannan keıin bilim alýshy 70% shekti deńgeımen testileý tapsyrýǵa tıis. Onlaın kýrsty sátti aıaqtaǵan jaǵdaıda daǵdylardy ıgerý týraly sertıfıkat beriledi. Kýrsty aıaqtaýdyń mindetti sharty — stýdent tarapynan kýrsty baǵalaý»,- dep jazady vedomstvo.

Alynǵan sertıfıkat Elektrondyq eńbek bırjasynda (enbek.kz) tirkelgen kezde bilim alýshy jasaǵan túıindemede avtomatty túrde kórsetiledi. Qyzmetkerlerdi izdeý kezinde áleýetti jumys berýshi Platformada sátti oqýdan keıin alynǵan sertıfıkattardy kóre alady.

Avtorlar men ázirleýshilerge arnalǵan platformada onlaın kýrstardy ornalastyrý tegin. Kýrstar memlekettik jáne orys tilderinde ornalastyrylýy múmkin, aqparat berýdiń ártúrli formattary: mátin, prezentatsııa, beıne jáne aýdıo materıaldar, ınfografıka jáne basqa túrleri bolýǵa tıis. Platforma erekshe qajettilikteri bar bilim alýshylar úshin ınterfeısti beıimdeý múmkindigin boljaıdy.

Kýrs avtorlary úshin yńǵaıly sabaq qurastyrýshy, jarııalanǵan kýrstardyń statıstıkasy men tıimdiligin qaraýǵa qoljetimdi, sertıfıkattardyń ártúrli dızaıny kózdelgen, sondaı-aq oqý qunyn aldyn ala esepteýge arnalǵan onlaın-kalkýlıator bar.