365 myń adamnyń moınynda bes jyldan beri tólenbegen qaryz bar – vıtse-mınıstr

ASTANA. QazAqparat – QR Qarjy vıtse-mınıstri Erjan Birjanov ortalyq kommýnıkatsııalar qyzmetinde ótken brıfıngide qazaqstandyqtardyń moınyndaǵy problemalyq boryshtar týraly málimet usyndy, dep habarlaıdy QazAqparat tilshisi.

«1 qazandaǵy jaǵdaı boıynsha, 1,4 mln qazaqstandyqtyń moınynda jalpy somasy 1 trln 450 mlrd teńge bolatyn qaryz bar. Onyń bári tólemi 90 kúnnen artyq keshiktirilgen qaryz bolyp esepteledi», - dedi vıtse-mınıstr.

Aıtýynsha, bul jaǵdaı Úkimettiń Jeke tulǵalardyń bankrottyǵy týraly zań jobasyn ázirleýine sebepker bolǵan.

«Osy sanattaǵy azamattardyń ajǵdaıyn jaqsartý úshin Jeke tulǵalardyń bankrottyǵy týraly zań jobasy ázirlendi. Osy azamattardyń ishinde qaryzy tólenbegeninen 5 jyldan astam ýaqyt ótken 365 myń adam bar. Olardyń qaryzynyń jalpy somasy - 504 mlrd teńge bolǵan. Bul problemalyq qaryzy bar azamattardyń 28 paıyzy degen sóz. Bul statıstıka halyqtyń moınyndaǵy qaryz problemasyn zańmen retteý qajettigin kórsetip otyr. Zań jobasy bizdiń tarapmymyzdan basqa da memlekettik organdardyń ókilderinen jumys tobyn qurý arqyly jasaldy», - dedi Erjan Birjanov.