35 jasqa tolmaǵan jas otbasylar jańa turǵyn úı baǵdarlamasy aıasynda páterge ıe bola alady

ASTANA. QazAqparat - 35 jasqa tolmaǵan jas otbasylar jańa turǵyn úı baǵdarlamasy aıasynda páterge ıe bola alady. Bul týraly búgin «Nur Otan» partııasynyń QR Parlamenti Májilisindegi fraktsııasynyń jınalysynda «Báıterek» ulttyq basqarýshy holdıngi» AQ-nyń basqarma tóraǵasy Qýandyq Bıshimbaev málim etti.

«Baǵdarlama jastarǵa baǵdarlanǵan. Biz Úkimetpen birlesip, bul páterlerge 35 jasqa deıingi jastar úmitker bola alady dep sheshtik. Barlyq páterlerdiń 50 paıyzy 35 jasqa deıingi jas otbasylarǵa, jastarǵa beriletin bolady», - dedi ol.

Degenmen, onyń atap ótýinshe, bul páterler ákimdikte kezekte turǵandar arasynda bólinedi.

«ıAǵnı, 2014 jyldyń 11 qarashasyna deıin jergilikti atqarýshy organdarda turǵyn úı jaǵdaıyn jaqsartý nemese pátersiz retinde kezekte turǵandar arasynan osy baǵdarlamaǵa úmitkerlerdiń tizimin jasaımyz», - dedi Q.Bıshimbaev.