35 gradýs aıaz, kóktaıǵaq: Astana ákimdigi qala turǵyndaryna eskertý jasady

ASTANA. QazAqparat - Astanada aptanyń alǵashqy kúni sarshunaq aıaz ornap, jer kóktaıǵaq muzǵa aınaldy. Aldaǵy kúnderi kún sýytyp, aýa temperatýrasy 30 gradýstan tómen túsedi, dep habarlaıdy QazAqparat ákimdikke silteme jasap.

Qala turǵyndary men qonaqtary jaraqat alý, úsik shalý sekildi jaǵdaılarǵa ushyramas úshin qaýipsizdik sharalaryn qatań saqtaǵany jáne dalada uzaq ýaqyt bolmaǵany jón.

Astanada bul kúnderi qatty kóktaıǵaq bolyp tur. Al qalanyń joldary men kóshelerine únemi qum-tuz qospasy sebilip turady.

Elorda turǵyndary men qonaqtary taıǵanap qulap, jaraqat almas úshin qaýipsizdik sharalaryn saqtaýy kerek.

Avtokólikti basqarý kezinde jyldamdyq rejımi men qashyqtyqty qatań saqtaý mańyzdy.

Sol sııaqty «Qazgıdromet» RMK sınoptıkteri aldaǵy kúnderi kún raıy qatty sýytatynyn habarlady.

Sonymen, 9 qańtarda qalada kóktaıǵaq bolyp, soltústik-batystan, batystan 9-14 m/s jel soǵady, al túnde ekpini 15-20 m/s jetedi.

Aýa temperatýrasy túnde jáne kúndiz - 24-26 gradýs aıaz.

10 qańtarda jaýyn-shashynsyz aýa raıy kútiledi. Soltústik-batystan jel 3-8 m/s jyldamdyqpen soǵady. Aýa temperatýrasy 30-32 gradýs aıazǵa deıin tómendeıdi.

11 qańtarda azdaǵan qar jaýady dep boljanyp otyr. Túnde aýa temperatýrasy 33-35, al kúndiz 25-27 aıazǵa deıin tómendeıdi.

Elordanyń kommýnaldyq qyzmetteri táýlik boıy kúsheıtilgen rejımde jumys istep jatyr, qar kúreý jumysy toqtaýsyz júrgizilýde.

Elordada 9 qańtar kúni tańerteń qar kúreý jumysyna eki myńnan astam jol jumysshysy shyqty, 1,5 myńǵa jýyq arnaıy tehnıka jumyldyryldy.

Ótken túnde, ıaǵnı 8 qańtardan 9-yna qaraǵan túni qaladan 39 myń tekshe metrden asa qar shyǵaryldy, bul 2 349 aýyr júk kólemine teń.

Qys mezgiliniń basynan beri qar polıgondaryna barlyǵy 1,7 mln tekshe metrden astam qar men muz shyǵaryldy.