35 gradýs aıaz bolady: Demalys kúnderine arnalǵan aýa raıy boljamy jarııalandy
Sınoptıkterdiń boljamy boıynsha, Atlant muhıtynan kelgen ylǵalǵa toly tsıklon Qazaqstan aýmaǵyndaǵy aýa raıyna áser etedi. Tsıklonnyń frontaldy bólikterinde qar, burqasyn kútiledi, elimizdiń batysy men ońtústiginde, al 20-21 qańtarda soltústik óńirlerde jańbyr men qar aralas jaýyn-shashyn jaýady boljanady. Elimiz boıynsha jel kúsheıip, tuman jáne kóktaıǵaq bolady.
18 qańtarda Túrkistan oblysynda túnde jaýyn-shashyn bolady.
20 qańtarda Ulytaý, 21 qańtarda Aqtóbe, Qostanaı jáne Soltústik Qazaqstan oblystarynda, 21-22 qańtarda Aqmola oblysynda, 22 qańtarda Pavlodar, Qaraǵandy, Túrkistan, Jambyl jáne Abaı oblystarynda qar jaýady.
22-23 qańtarda Shyǵys Qazaqstan, Almaty jáne Jetisý oblystarynda da qar jaýady dep boljanady.
22 qańtardan bastap sýyq aýa massasy taralyp, túnde temperatýra aıtarlyqtaı tómendeıdi:
- batysta temperatýra 10-20 gradýs aıaz;
- soltústik-batys pen soltústikte 20-30 gradýs aıaz;
- ortalyq pen shyǵysta 25-35 gradýs aıaz;
- ońtústikte 12-25 gradýs aıaz;
Aýa raıyna baılanysty birqatar óńirde eskertý jarııalanǵanyn jazǵan bolatynbyz.