35 adam kóz jumdy: Qytaıda er adam kólikpen kópshilikti qaǵyp ketti

<p>ASTANA. KAZINFORM &ndash; Qytaıdyń ońtústigindegi Chjýhaı qalasynda er adam kólikpen kópshilikke soǵylyp, 35 adam qaza tapty. 43 adam aýyr jaraqat alǵan. Bul týraly jergilikti polıtsııaǵa silteme jasap <a href="https://www.scmp.com/news/china/politics/article/3286259/35-dead-chinese-car-attack-crowd-suspect-arrested-police-say?module=China&amp;pgtype=section" target="_blank" rel="noopener">South China Morning Post </a>habarlady.</p>

Oqıǵa 11 qarasha, dúısenbi kúni keshke sport ortalyǵynyń janynda bolǵan. Qaıǵyly jaǵdaı kezinde ol jerde serýendep jáne sportpen shuǵyldanyp júrgen adam kóp bolǵan. Jaraqat alǵandar arasynda qart adamdar, jasóspirimder jáne balalar bar.

Kólik tizgininde 62 jastaǵy er adam otyrǵan. Ol qylmys ornynan qashyp ketýge tyrysqan kezde quqyq qorǵaýshylar ony ustap alǵan.

Polıtsııa qyzmetkerleri er adamnyń kólikte otyrǵanda ózine pyshaq jaraqattaryn salǵanyn anyqtap, ony birden aýrýhanaǵa jetkizdi.

VVS-diń habarlaýynsha, er adamnyń áreketine ajyrasqannan keıingi múlikti bólýmen baılanysty narazylyqtar sebep bolýy múmkin.

Kúdiktige qatysty qylmystyq is qozǵalǵan.