34 jolaýshysy bar avtobýs Almaty-Ekaterınbýrg tas jolynda qalyp qoıǵan

<p>ASTANA. KAZINFORM — TJM qutqarýshylary aqaýy bar avtobýstan 34 adamdy evakýatsııalady. Bul týraly vedomstvonyń baspasóz qyzmeti málim etti.</p>

Búgin tańerteń Almaty-Ekaterınbýrg tas jolynda aqaýy bar avtobýstan jolaýshylardy kezekti shuǵyl evakýatsııalaý júrgizildi. Qutqarýshylar 34 adamdy qutqaryp, jaqyn mańdaǵy aýylǵa jetkizdi.

— Reıstik avtobýs Astana-Shymkent baǵytynda kele jatqan, biraq 900 shaqyrymda tehnıkalyq aqaý oryn alǵan. Qutqarýshylardyń jedel jumysynyń arqasynda olar Aqsý-Aıýly aýylyna jetkizildi. Olarǵa medıtsınalyq kómek qajet bolmady. Tótenshe jaǵdaı kezinde 112 nómirine habarlasyńyz!, — dep eskertti vedomstvo.

Buǵan deıin habarlaǵanymyzdaı, elordalyq TJD aýa raıyna baılanysty turǵyndarǵa úndeý joldaǵan edi.

Sondaı-aq, qutqarýshylar «Samara-Shymkent» tas jolynda 35 adamdy evakýatsııalaǵany belgili boldy.