33 gradýsqa deıin aıaz: aldaǵy 3 kúnniń aýa raıy boljamy

<p>ASTANA. KAZINFORM - Sınoptıkter 16-18 qańtarǵa arnalǵan aýa raıy boljamyn jasady.</p>

Meteorologtar bergen aqparatqa sáıkes, Qazaqstannyń basym bóliginde antıtsıklon áserinen aıaz bolady. Elimizdiń batysy men ońtústik-shyǵysynda qar jaýady, boran bolyp, jel kúsheıedi.

«Antıtsıklon áserinen Qazaqstannyń basym bóliginde aıaz bolady. Al eldiń batysy men ońtústik-shyǵysynda kún qubylmaly, qar aralas jańbyr jaýady, jel men burqasyn kúsheıedi. Aıaz, ásirese, soltústikte, shyǵysta jáne ortalyqta, túnde 25-33 gradýsqa deıin aıaz bolsa, kúndiz 15-23, ońtústikte jáne ońtústik-shyǵysta túnde 5-15, kúndiz 2-7 gradýsqa deıin jetedi, al batysta túnde 8-18, kúndiz 3-15 gradýsqa deıin sýyq bolady», - delingen Qazgıdromet bergen aqparatta.