320 nysanǵa áýeden soqqy jasaldy: Izraıl Sırııaǵa shabýyldy kúsheıtti

<p>ASTANA. KAZINFORM &ndash; Bashar Asad rejımi qulaǵannan keıin Izraıl kúshteri Sırııaǵa shabýylyn kúsheıtti. Kózdelgen nysanalar arasynda Sırııanyń áýe qorǵanys júıeleri, zymyran qoımalary, áskerı ushaqtar men tikushaqtar jáne áskerı kemeler bar. Bul týraly <a href="https://www.aa.com.tr/ru/%D0%BC%D0%B8%D1%80/%D0%B8%D0%B7%D1%80%D0%B0%D0%B8%D0%BB%D1%8C-%D0%BD%D0%B0%D0%BD%D0%B5%D1%81-%D0%B0%D0%B2%D0%B8%D0%B0%D1%83%D0%B4%D0%B0%D1%80%D1%8B-%D0%BF%D0%BE-320-%D0%BE%D0%B1%D1%8A%D0%B5%D0%BA%D1%82%D0%B0%D0%BC-%D0%B2-%D1%81%D0%B8%D1%80%D0%B8%D0%B8/3420740" target="_blank" rel="noopener">Anadoly </a>habarlady.</p>

Izraıl armııasy «Baas» partııasy rejımi qulap, onyń jetekshisi Bashar Asad bılikten qýylǵannan beri Sırııadaǵy 320 nysanǵa áýeden soqqy jasaǵanyn habarlady.

Málimdemede áýe shabýyldary «strategııalyq nysandarǵa» baǵyttalǵany aıtylǵan.

Sırııanyń áýe qorǵanys júıeleri, zymyran qoımalary, áskerı ushaqtar men tikushaqtar jáne áskerı kemeler shabýylǵa ushyrady.

Málimdemede Izraıl Sırııanyń «Baas» rejıminen qalǵan áskerı kúshiniń «70 paıyzdan astamyn» joıǵany aıtylǵan.

Aıta keteıik, buǵan deıin Izraıl armııasy Sırııadaǵy 250 nysanǵa áýeden soqqy bergenin jazǵan edik.

BUU Sırııadaǵy 16 mıllıon adam gýmanıtarlyq kómekke muqtaj ekenin málimdedi.

AQSh Memlekettik departamentiniń baspasóz hatshysy Mettıý Mıller Sırııanyń ishindegi túrli uıymdarmen tikeleı jáne janama túrde kelissózder júrgizilip jatqandyǵyn málimdedi.