32 jastaǵy maqtaraldyq kelinshek 3 qyzdy qatar ómirge ákeldi
Jetisaı aýdandyq ortalyq aýrýhanasynda úshem dúnıege keldi. Buǵan deıin 3 qyz, 1 uldy tárbıelep otyrǵan Maqtaral aýdanynyń turǵyny Nafısa Hamzaeva birden 3 qyzdy ómirge alyp keldi.
32 jastaǵy kelinshek ishindegi náresteleriniń egiz ekenin estigende joldasy ekeýi qatty qýanǵandaryn aıtady. Áıtse de, sońǵy aılarda Jetisaı aýdandyq aýrýhanasynyń dárigeri Rahıma Jumabekqyzy ishtegi sábılerdiń egiz emes, úshem ekenin anyqtap, júkti kelinshektiń kútimi men baqylaýyn kúsheıtken.
«Meniń tolǵaq qysyp, perzenthanaǵa ketkenimdi joldasym da, ata-enem de bilmeıdi. Joldasym áskerı qyzmetker bolǵandyqtan bólek turamyz. Jaǵdaıymdy aıtyp, eshkimdi ýaıymdatqym kelmedi. Endi mine, janashyr dárigerlerimizdiń biliktiliginiń arqasynda perzentterimdi baýyryma basyp otyrmyn. Aıtar alǵysym sheksiz»,- deıdi jas ana.
Qazirde úshemder men anasynyń jaǵdaıy jaqsy, dárigerlerdiń jiti baqylaýynda.
Jalpy Jetisaı aýdandyq aýrýhanasy dárgerleriniń málimetinshe, aýdanda egiz týylǵan sábıler qatary kóp bolǵanymen, úshemderdiń dúnıege kelýi sırek kezdesedi. Bıylǵy jyldyń basynan beri ortalyq aýrýhanada 3 myńnan astam sábı jaryq dúnıe esigin ashqan bolsa, sonyń 33-i egizder bolǵan. Al, úshemderdiń dúnıege kelýi sońǵy 10 jylda alǵash ret tirkelip otyr.