32 jastaǵy elorda turǵyny «Grand Astana» keshenindegi lıftiniń monıtoryn syndyrdy
17:05, 06 Qyrkúıek 2021
NUR-SULTAN. QazAqparat – Áleýmettik jelilerde er adamnyń lıft kabınasynda ornatylǵan monıtordy ádeıi syndyryp jatqan vıdeosy taraǵan bolatyn. Nur-Sultan qalasy PD «Almaty» aýdandyq polıtsııa basqarmasynyń qyzmetkerleri jedel-izdestirý sharalary barysynda 32 jastaǵy qala turǵynyn ustady, dep habarlaıdy QazAqparat Nur-Sultan qalasy polıtsııa departamentiniń baspsóz qyzmetine silteme jasap.
«Er adamnyń buzaqylyq áreketi lıftide ornatylǵan kameraǵa túsip qalǵan. Atalǵan fakti boıynsha QR Ákimshilik kodeksiniń 434-baby boıynsha ákimshilik is qozǵaldy. Sottyń sheshimimen ol 10 táýlikke qamaýǵa alyndy», - delingen habarlamada.
Nur-Sultan qalalyq polıtsııa departamenti azamattardy turǵyndarǵa ortaq múlikke uqypty qaraýǵa shaqyrady jáne qoǵamdyq tártipti buzǵany úshin jaýapkershilikke tartylatynyn eskertedi.