32 jastaǵy áıel jańa týǵan balasyn satý úshin BQO-dan Atyraýǵa kelgen
Polıtsııa departamenti baspasóz qyzmetiniń aqparatyna qaraǵanda, kúdikti áıel Batys Qazaqstan oblysynan kelgen. Jasy – 32-de.
Kúdikti kishkentaı nárestesin satyp alatyn adam izdegen. Al, ákesine balanyń qaıtys bolǵanyn aıtqan.
Sóıtip, bala satyp alǵysy kelgen eki adamdy tapqan. Kóbirek aqsha usynǵan adamǵa balasyn ustatyp jibergen.
«Qazir kúdikti áıelge qatysty qylmystyq is qozǵaldy. QR Qylmystyq kodeksiniń 135-babynyń 2-bóliginiń 2-tarmaǵymen sotqa deıingi tergeý júrip jatyr. Kúdikti áıel men balasyna sot-bıologııalyq saraptama taǵaıyndaldy. Bala satýǵa baılanysty kýágerlerden jaýap alyndy», -dep habarlady departamenttiń baspasóz qyzmeti.
Ózge aqparat QR Qylmystyq-protsestik kodeksiniń 201-babyna sáıkes jarııalaýǵa jatpaıdy.
Eske sala ketelik, buǵan deıin Atyraýda ákesi uryp-soǵyp, namaz oqýǵa májbúrlegen 11 jasar qyz polıtsııaǵa júgingenin jazǵan bolatynbyz.
Qazir psıhologtar qorlyq kórgen jasóspirimmen jumys istep jatyr.
Al polıtsııa qyzmetkerleri QR Qylmystyq kodeksiniń 110-babynyń 2-bóliginiń 1-tarmaǵymen sotqa deıingi tergep-tekserýdi bastady.
Tıisti saraptamalar taǵaıyndaldy. Ózge aqparat QR Qylmystyq-protsestik kodeksiniń 201-babyna sáıkes jarııalaýǵa jatpaıdy.