32 mln teńge zańsyz syıaqy alǵan: ShQO-da arnaıy HQKO-nyń burynǵy basshysy sottaldy
2023 jyldyń aqpan men qazan aılary aralyǵynda kúdiktiniń júrgizýshi kýáligin alý úshin jol qozǵalysy erejelerin bilýge teorııalyq emtıhan tapsyrǵan azamattardan zańsyz syıaqy alý shemasyn uıymdastyrǵany anyqtaldy.
Follow the money qaǵıdaty boıynsha tergeý is-qımyldaryn júrgizýdi kózdeıtin Agenttiktiń «Paralleldi qarjylyq tergeý» iske asyrylyp jatqan jobasy 32 mln teńgeden astam zańsyz syıaqylar túrinde alynǵan qylmystyq tabysty anyqtaýǵa múmkindik berdi.
Tergeý barysynda kúdiktiniń banktegi jeke shotyna mobıldi qosymsha arqyly syıaqy alǵany belgili boldy. Mundaı kirister quqyq qorǵaý organdarynda kúdik týdyrýy múmkin ekenin túsinip, olardyń qylmystyq shyǵý tegin jasyrý maqsatynda kúdikti sol banktegi shottary arasynda birneshe ret aýdarymdar jasaǵan. Budan basqa, paralleldi qarjylyq tergeý sheńberinde qylmystyq aqsha qarajatyna kúdiktiniń Óskemen qalasynda eki bólmeli páter satyp alynǵany jáne ony jasyrý maqsatynda anasyna resimdelgeni anyqtaldy.
– Keıinnen bul páter táýliktik jalǵa berý úshin paıdalanylyp, 1,2 mln teńgeden astam qosymsha qylmystyq tabys ákelgen. Sonymen qatar, tárkileýge jol bermeý maqsatynda kúdikti sotqa deıingi tergep-tekserý bastalǵannan keıin atalǵan páterdi satyp alý-satý sharttary boıynsha úshinshi tulǵalarǵa tirkegen, - delingen QMA habarlamasynda.
Sot úkimimen kúdikti kináli dep tanyldy. Oǵan Qylmystyq jolmen alynǵan 19,5 mln teńge bolatyn Óskemen qalasyndaǵy eki bólmeli páterdi memleket kirisine tárkileı otyryp, 3 jyl merzimge bas bostandyǵyn shekteý túrindegi jaza taǵaıyndaldy.
ShQO-da alıment tólemegen adam alǵash ret túrmege qamalǵanyn jazǵan bolatynbyz.