31 jyldan soń jetken marapat: ІІM-de erlikpen qaza tapqan polıtseıdiń esimi ulyqtaldy

<p>ASTANA. KAZINFORM - Іshki ister mınıstrliginde Otan qorǵaýshy jáne Uly Jeńis kúnderi atap ótildi. El amandyǵy úshin kúni-túni qyzmet etip júrgen saqshylar men aıbyndy ardagerlerge qurmet kórsetildi, &ndash; dep habarlaıdy <a href="https://polisia.kz/31-zhyldan-song-zhetken-marapat-iim-de-erlikpen-qaza-tapqan-politsejding-esimi-ulyqtaldy/" target="_blank" rel="noopener">Polisia.kz.</a></p>

– Otan qorǵaýshylar men Jeńis kúni – rýhy jaǵynan bir-birin tolyqtyratyn, urpaqqa sabaq bolatyn qos tarıhı kúnder. Keshegi jaý oǵynan qorǵaǵan maıdangerler, tyl eńbekkerleri jáne beıbit zaman batyrlarynyń erlikterin umytpaý – bizdiń qasterli boryshymyz! – dedi ishki ister mınıstri Erjan Sadenov.

Aıtýly kúni Ekinshi dúnıejúzilik soǵystyń ardageri Qurmat Rahımov “Qurmet” ordenimen marapattaldy. Surapyl soǵysta tabandylyǵymen eldi jaýdan qorǵaǵan aqsaqal búginde 100 jasqa tolyp otyr.

Foto: ІІM

Táýelsizdik jyldary qyzmet babynda ishki ister organdarynyń 800-den astam qyzmetkeri kóz jumǵan. Solardyń biri – Soltústik Qazaqstan oblysynyń Lenın aýdany Іshki ister basqarmasynyń aǵa ınspektory Anatolıı Dobrynın. Ol 1993 jyly polıtsııa ǵımaratyna jasalǵan qarýly shabýylǵa toıtarys berý kezinde qaza tapty. Qasyndaǵy áriptesi Serik Orazalınmen birge qaskóılerge qarsy turyp, tabeldik qarýdy basyp alýǵa jol bermedi.

– Eki ofıtserdiń áreketi joǵary baǵalanyp, memlekettik nagradalar óz batyrlaryn 31 jyldan keıin tapty. Biz bul jumysty jalǵastyramyz. Arhıvterdi zerdeleımiz. Erlikteri baǵalanbaı, kóleńkede qalyp qoıǵan batyrlardyń esimderin ulyqtaıtyn bolamyz! – dedi Erjan Sadenov.

Marqum Anatolııdiń marapatyn – “Erligi úshin” medalin baýyry ıÝrıı Dobrynın aldy.

Merekelik shara kontserttik baǵdarlamaǵa ulasty. Elim deıtin erlerdiń qurmetine áýezdi ánder shyrqalyp, kúmbirlegen kúı de tógildi.