31 tamyz. Tulǵalar týǵan kún

ASTANA. QazAqparat – Búgin, 31 tamyz tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

6 7 jyl buryn (1956) fılosofııa ǵylymdarynyń doktory, professor, Á. Qasteev atyndaǵy Qazaqstan Respýblıkasynyń memlekettik óner mýzeıiniń burynǵy basshysy Gúlmıra Kenjebolatqyzy ShALABAEVA dúnıege keldi.

Almaty qalasynda týǵan. S.M. Kırov atyndaǵy Qazaq memlekettik ýnıversıtetin (1978), jýrnalıst; Qazaqstannyń ǴA Ádebıet jáne óner ınstıtýtynyń aspırantýrasyn bitirgen (1986). Fılosofııa ǵylymdarynyń doktory (1997). QR Áleýmettik ǵylymdar akademııasynyń múshesi-korrespondenti (1999). «Ulys. Mádenıet. Sana sezim» (1995), «Mádenıetti uǵyný: Qazaqstannyń dúnıetanymdyq paradıgmalary jáne tarıhı realıleri» (2001), «Qazaqstan: mádenı saıasattyń evolıýtsııasy» (2002), «Evgenıı Sıdorkın. Kórkemdik tásildiń ontologııasy» (2005), «Mádónıet: alasapyran men tártip arasynda» (2006), «Qazaqstan: ejelgi órkenıetten qazirgi zamanǵa deıin» (2007), «Eýrazııalyq beıneleý óneri prızmasy arqyly» (2010), «Óner entsıklopedııasy» (2010) kitaptarynyń avtory. «Gúlfaırýs Ismaılova. Keskindeme jáne teatr-dekoratsııalyq óneri» (2000), «Qazaqstannyń ǵasyrlar toǵysyndaǵy beıneleý óneri» (2000), «Shynaıylyqtyń qyrlary» (2004), «Qazaq órneginiń ǵaryshy» (2008) kórkem albomdarynyń baspageri. 1978 jyldan - QazKSR Memkıno bas redaktory. 1983 jyldan - Qazaqstan ǴA Ádebıet jáne óner ınstıtýtynyń aspıranty. 1986 jyldan - pedagogıkalyq ǵylymdar ǴZI aǵa ǵylymı qyzmetkeri. 1991 jyldan - QR jastar isi boıynsha Memlekettik komıtetiniń jetekshi mamany. 1993 jyldan - Abaı atyndaǵy Almaty memlekettik ýnıversıtetiniń aǵa oqytýshysy. 1997 jyldan - Qazaqstan ǴA Fılosofııa ınstıtýtynyń bas ǵylymı qyzmetkeri. 1998 jyldan beri - «OıÝ» kórkem galereıasynyń dırektory. 2009 jyldan beri - T. Júrgenov atyndaǵy Qazaq ulttyq óner akademııasynyń beıneleý óneri teorııasy jáne tarıhy kafedrasynyń professory. 2014 jyldyń qarashasynan beri Á. Qasteev atyndaǵy Qazaqstan Respýblıkasynyń memlekettik óner mýzeıiniń basshysy boldy.

Sh. Ýálıhanov atyndaǵy syılyqtyń laýreaty (2001). «Qazaqstan Respýblıkasynyń táýelsizdigine 10 jyl» medalimen marapattalǵan. Qazaqstannyń Eńbek sińirgen qaıratkeri.

57 jyl buryn«Halyq qaharmany», ushqysh Dmıtrıı Olegovıch RODIN dúnıege kelgen.

Almaty qalasynda týǵan. Sankt-Peterbýrgtegi Azamattyq avıatsııa akademııasyn aıaqtaǵan.

Ushqysh, áýe keńistiginde 10 000 saǵattan astam ushqan. Onyń 6000 saǵattan astamynda áýe kemesiniń komandıri retinde ushqan. Batystan shyqqan áýe kemesiniń 7 túrin meńgergen. Eńbek jolyn 1981 jyly Saratov oblysyndaǵy jazǵy ýchılışesin aıaqtaǵannan keıin avıatsııada «An-2», «An-24», «An-26» kishigirim ushaqtarynda ushýdan bastaǵan. Qazaqstannyń Azamattyq avıatsııa basqarmasynda basqarýshy laýazymdardy atqarǵan. 2014 jylǵy sáýir aıynan «Bek Eır» AQ-nyń«Fokker-100» Áýe kemesiniń komandıri.

2016 jyldyń 27 naýryzynda Astana áýejaıynda qonýǵa kelgen kezde aldyńǵy shassıi ashylmaı qalǵan «Fokker-100» áýe kemesin apatty jaǵdaıda qondyrdy. Bortta 116 jolaýshy men epıpajdyń 5 múshesi bolǵan, eshqaısysy zardap shekken joq.

«Halyq qaharmany» ataǵymen marapattalǵan; «Altyn juldyz» syılyǵynyń ıegeri.

52 jyl buryn (1971) Qazaqstan Respýblıkasy Parlament Májilisiniń depýtaty, Agrarlyq máseleler komıtetiniń múshesi ÁLTAI Amanjol Dúısenbaıuly dúnıege keldi.

Qaraǵandy oblysy Jańaarqa aýdany Aqtúbek aýylynda týǵan. 1993 jyly E.A.Bóketov atyndaǵy Qaraǵandy memlekettik ýnıversıtetiniń fılologııa fakýltetin bitirdi.
Eńbek joly: 1993-2000 jyldar aralyǵynda - Qaraǵandy memlekettik ýnıversıtetiniń aǵa oqytýshysy; 2000-2022 jyldar aralyǵynda - L.N.Gýmılev atyndaǵy Eýrazııa ulttyq ýnıversıtetinde qazaq ádebıeti kafedrasynyń dotsenti, 2013 jyldyń qyrkúıek aıynan bastap L.N.Gýmılev atyndaǵy Eýrazııa ulttyq ýnıversıteti fılologııa fakýlteti qazaq ádebıeti kafedrasynyń professory; 2022 jylǵy naýryzdan bastap VІI saılanǵan Qazaqstan Respýblıkasy Parlamenti Májilisiniń depýtaty, «AMANAT» partııasy fraktsııasynyń múshesi.

Fılologııa ǵylymdarynyń doktory (2010), professor, Qazaqstan Respýblıkasy «Daryn» memlekettik jastar syılyǵynyń laýreaty (1998), Qazaqstannyń eńbek sińirgen qaıratkeri (2005), JOO-nyń úzdik oqytýshysy (2012), Qaraǵandy qalasynyń qurmetti azamaty, Qazaqstan Jazýshylar Odaǵynyń múshesi (2014), «Qazaqstan Respýblıkasynyń Táýelsizdigine 10 jyl» merekelik medaliniń (2001), «Beıbitshilik Álemi» Halyqaralyq Qazaq tvorchestvolyq birlestiginiń «Ybyraı Altynsarın» medaliniń (2015), «Qazaqstan Respýblıkasynyń Táýelsizdigine 25 jyl» merekelik medaliniń (2016), «TURKSOY» Halyqaralyq uıymy medaliniń (2016) ıegeri, Gýmanıtarlyq ǵylymdar salasyndaǵy úzdik ǵylymı zertteýi úshin Sh.Sh.Ýálıhanov atyndaǵy syılyqtyń (2018), «Qurmet» ordeniniń (2019) ıegeri.

4 9 jyl buryn (1974) Qazaqstan Respýblıkasy Prezıdenti Ákimshiliginiń memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory Marat Nesipqalıuly IǴALIEV dúnıege keldi.

Atyraý oblysynda týǵan. Q. Jubanov atyndaǵy Aqtóbe pedagogıkalyq ınstıtýtyn, QR Prezıdenti janyndaǵy memlekettik akademııa, Almaty ekonomıka jáne statıstıka ınstıtýtyn támamdaǵan. Saıası ǵylymdar kandıdaty. Memlekettik qyzmettegi eńbek jolyn 1999 jyly QR Qaýipsizdigi Keńesi ortalyǵynda sarapshy bolyp bastady. 2003-2009 jyldar aralyǵynda Aqtóbe oblysy ákimi apparatynyń basshysy, QR Prezıdenti Ákimshiliginiń memlekettik baqylaý jáne uıymdastyrý bóliminde bas ınspektor, QR Qorshaǵan ortany qorǵaý mınıstriniń keńesshisi, QR Qorshaǵan ortany qorǵaý mınıstrligi Ekologııalyq retteý komıteti tóraǵasynyń orynbasary laýazymdarynda boldy. QR Indýstrııa jáne saýda mınıstrligi Saýda komıteti tóraǵasynyń orynbasary, QR Indýstrııa jáne jańa tehnologııalar mınıstriniń keńesshisi, QR Indýstrııa jáne jańa tehnologııalar mınıstrligi Atom energııasy komıteti tóraǵasynyń orynbasary, QR Indýstrııa jáne jańa tehnologııalar mınıstrligi Ákimshilik-kadr jumysy departamentiniń dırektory, QR Indýstrııa jáne jańa tehnologııalar mınıstrligi Týrızm ındýstrııasy komıtetiniń tóraǵasy qyzmetterin atqardy. QR Investıtsııalar jáne damý mınıstri kadr jumysy jáne týrızm ındýstrııasy departamentin basqardy. «Kazkontent» AQ tóraǵasynyń orynbasary qyzmetinde boldy. 2017-2018 jyldary Aqmola oblysy ákiminiń týrızm jónindegi keńesshisi boldy. 2018-2020 jyldary Aqmola oblysy ákiminiń orynbasary qyzmetin atqardy.

Qazirgi qyzmetinde 2020 jyldyń aqpanynan.

4 5 jyl buryn (1978) QR Aqparat jáne qoǵamdyq damý mınıstrligi Memleket pen qoǵam kommýnıkatsııalaryn damytý departamentiniń dırektory Bekzat Rahımuly RAHIMOV dúnıege keldi.

2000 jyly D. Serikbaev atyndaǵy Shyǵys Qazaqstan tehnıkalyq ýnıversıtetin, 2007 jyly Máskeý memlekettik ekonomıka ýnıversıtetin (statıstıka jáne ınformatıka), 2010 jyly Qazaqstan Respýblıkasy Prezıdenti janyndaǵy Memlekettik basqarý akademııasyn támamdaǵan.

Eńbek joly: 2000-2003 jyldary Shyǵys Qazaqstan oblysy ákimdiginiń qyzmetkeri; 2003 jyly «Shyǵys jobasy» QQ jastar baǵdarlamalarynyń atqarýshy dırektory; 2003-2008 jyldary – Astana qalasynyń (qazirgi Nur-Sultan) ákimdiginde ártúrli laýazymdarda qyzmet atqardy. 2008-2010 jyldary – QR Mádenıet jáne aqparat mınıstrligi Strategııalyq josparlaý jáne taldaý departamenti dırektorynyń orynbasary. 2010-2011 jyldary – Shyǵys Qazaqstan oblysy ákiminiń bas ınspektory, baspasóz hatshysy. 2014 jyly – Baılanys jáne aqparat agenttigi Aqparattyq keńistikke monıtorıng júrgizý jónindegi departament dırektorynyń orynbasary. 2014-2016 jyldary – QR Investıtsııalar jáne damý mınıstrligi Baılanys, aqparattandyrý jáne aqparat komıteti BAQ-ty baqylaý basqarmasynyń basshysy. 2016-2018 jyldary QR Aqparat jáne kommýnıkatsııalar mınıstrligi BAQ salasyndaǵy memlekettik saıasat departamenti dırektorynyń orynbasary, 2018-2019 jyldary QR Aqparat jáne kommýnıkatsııalar mınıstrligi BAQ salasyndaǵy memlekettik saıasat departamentiniń dırektory bolǵan. 2019-2020 jyldary QR Aqparat jáne qoǵamdyq damý mınıstrligi Aqparatqa qoljetimdilik salasyndaǵy memlekettik saıasat departamentiniń dırektory qyzmetin atqardy.

Qazirgi qyzmetin 2020 jyldyń mamyrynan atqaryp keledi.

Sondaı-aq búgin...

92 jyl buryn (1931-2018) Qazaqstannyń halyq ártisi Zámzágúl Núsipbaıqyzy ShÁRІPOVA dúnıege kelgen.

Almaty oblysy Jambyl aýdanynyń Uzynaǵash aýylynda týǵan. Almaty teatr ýchılışesin bitirgen. «Qazaqfılm» kınostýdııasy men Qazaq radıosynda jumys istedi. 1953 jyly Almatydaǵy Qazaq drama teatrynyń trýppasyna qabyldandy. «Meniń ákem kim» spektaklinde Laǵyldyń, Ǵabıt Músirepovtiń «Aqan seri-Aqtoqtysynda» - Aqtoqtynyń, Muhtar Áýezovtiń «Aıman-Sholpanynda» - Qaragózdiń jáne «Qaragózde» - Qaragózdiń, Sábıt Muqanovtyń «Shoqan Ýálıhanovynda» - Aıjannyń, Ýılıam Shekspırdiń «Otellasynda» - Dezdemonanyń jáne basqalarynyń rólderin somdady. Fılmderdi qazaq tiline dýblıaj jasaýǵa qatysty, radıoda kórkemsóz oqý sheberi boldy. «Ójet qyz» fılminde - Nurjamal, «Biz osynda turamyz» fılminde - Dına, «Ómir jolynda» - Hadısha, «Abaı» telefılminde - Qarlyǵash rólderin ekranǵa shyǵardy. Máskeýdegi qazaq ádebıeti men óneriniń onkúndigine qatysty. «Qurmet belgisi» jáne «Halyqtar dostyǵy» ordenderimen marapattalǵan.