31 myńnan astam ShOB jobasy jeńildikpen qarjylandyryldy
«Pandemııa jaǵdaıynda kásipkerler úshin jalǵasyp jatqan shekteýler kezinde shaǵyn jáne orta bıznesti qoldaý ózekti másele bolyp otyr. Osyǵan baılanysty bıyl Ulttyq banktiń aınalym kapıtalyn tolyqtyrýǵa jeńildikpen kredıt berý baǵdarlamalary, sondaı-aq, «Bıznestiń jol kartasy 2025», «Qarapaıym zattar ekonomıkasy», «Eńbek» jáne «jumyspen qamtý jol kartasy» baǵdarlamalary sheńberinde shaǵyn jáne orta bıznesti jeńildikpen kredıtteý jumystary jalǵasýda», - dedi Áset Erǵalıev Úkimettiń búgingi otyrysynda.
Sonymen birge, kredıtter boıynsha jyldyq mólsherleme 6 paıyzdy qurady. Aınalym kapıtalyn tolyqtyrýdy qarjylandyrý edáýir keńeıtilip, kredıtter somasy ulǵaıtyldy. Mıkro jáne shaǵyn kásipkerlik sýbektilerine qoljetimdi mıkrokredıt berý iske qosyldy.
«Bıyl birinshi jartyjyldyqta trıllıon teńgeden astam somaǵa 31 myńnan astam joba jeńildikpen qarjylandyrýǵa qol jetkizdi», - dedi Ulttyq ekonomıka mınıstri.