31 mamyrda Almatydaǵy tarıhı eskertkishterge gúl shoqtaryn qoıý sharasy ótedi

ALMATY. QazAqparat –Saıası qýǵyn-súrgin jáne asharshylyq qurbandaryn eske alý kúnine oraı Almatyda birqatar tarıhı eskertkishke gúl shoqtaryn qoıý saltanatty sharasy ótedi, dep habarlaıdy QazAqparat qala ákimdigine silteme jasap.

Ákimdiktiń málimetinshe, 31 mamyr kúni tańǵy saǵat 09.00-de Almaly aýdanyndaǵy Qaraǵaıly alańynda qala basshylyǵy, qoǵam qaıratkerleri men jastardyń qatysýymen 1931-1933 jyldardaǵy asharshylyq qurbandaryna arnalǵan eskertkishke gúl shoqtaryn aparady.

Gúl qoıý rásimi qalanyń basqa da aýdandarynda josparlanǵan:

- Áýezov aýdanynda T. Rysqulov eskertkishi aldyndaǵy saltanatty shara 31 mamyrda saǵat 10:00-de Jandosov kóshesi, 55 mekenjaıyndaǵy Narhoz ýnıversıtetiniń aldyndaǵy gúlzarda ótedi;

- Almaly aýdanynda M. Tynyshpaev eskertkishine gúl shoqtaryn qoıý rásimi 30 mamyrda saǵat 09:30-da Shevchenko kóshesi, 97 mekenjaıynda ótedi;

- T. Júrgenov eskertkishine 31 mamyr kúni saǵat 09:00-de (Panfılov kóshesi, 127 mekenjaıy) jáne A. Baıtursynov eskertkishine 31 mamyr kúni saǵat 10:30-da (Baıtursynov kóshesi, 60 mekenjaıy) ótedi.

- Alataý aýdanynda «Qandysaı jazyǵy» eskertkishine gúl shoqtary 31 mamyr kúni saǵat 10:00-de Qarasý shaǵynaýdany, Tsentralnaıa kóshesi, 37 mekenjaıynda ótedi;

- Bostandyq aýdanynda O.Jandosov eskertkishine gúl qoıý sharasy 31 mamyr kúni saǵat 10:00-de Jandosov kóshesi – Gagarın dańǵyly qıylysynda ótedi.

Budan bólek, Medeý aýdanynda Saıası qýǵyn-súrgin jáne asharshylyq qurbandaryn eske alý kúnine arnalǵan «Tarıhqa taǵzym» kontserti 31 mamyr kúni saǵat 19:00-de Jambyl atyndaǵy Qazaq memlekettik fılarmonııasynyń ǵımaratynda ótedi.