31 gradýs aıaz: Birqatar óńirde ekinshi aýysym oqýshylary qashyqtan bilim alady

<p>Birqatar oblys ortalyqtarynda, sondaı-aq Astana men Almatyda 13 jeltoqsanda tolassyz aıazǵa baılanysty ekinshi aýysymdaǵy oqýshylar onlaın oqıdy, dep habarlaıdy Kazinform agenttigi.</p>

Astanada aýa raıyna baılanysty ekinshi aýysymdaǵy 0-9 synyp oqýshylary qashyqtyqtan oqytý formatyna aýystyrylǵanyn buǵan deıin habarlaǵan bolatynbyz.

Qostanaıda aýa temperatýrasy -31°C. Ekinshi aýysymdaǵy 0-11 synyp oqýshylary sabaqty onlaın oqıdy.

Semeı qalasynda kún raıynyń qolaısyzdyǵyna (-27℃) baılanysty ekinshi aýysymdaǵy 1-9 synyp oqýshylary úshin sabaq qashyqtan oqytý formatyna aýystyryldy.

Óskemende 0-4 synypta oqıtyn ekinshi aýysymdaǵy sabaqtar qashyqtan oqıtyn boldy.

Rıdderde 0-11 synyp oqýshylary da búgin onlaın bilim alady.

Pavlodar qalasynda mektepaldy, ekinshi aýysymdaǵy 1-9 synyp oqýshylary qashyqtyqtan oqytý formatyna aýystyryldy. Aýa temperatýrasy -29℃, jel - 3-6 m/s.

Kókshetaý qalalyq bilim bóliminen habarlaǵandaı, aýa temperatýrasynyń -30°S-qa deıin tómendeýine baılanysty ekinshi aýysymdaǵy 1-9 synyp oqýshylary qashyqtyqtan bilim alady.

Qaraǵandy qalasy bilim bóliminiń habarlaýynsha, 13 jeltoqsanda aýa raıynyń qolaısyzdyǵyna baılanysty ekinshi aýysymdaǵy 0-11 synyp oqýshylary úshin sabaq qashyqtan oqytý formatyna aýystyryldy.

Petropavlda aıazǵa baılanysty 0-11 synyp oqýshylary onlaın formatta oqıdy.

Almatyda 13-14 jeltoqsanda aıazǵa baılanysty 0,1-9 synyp oqýshylary qashyqtan bilim alady.