300 mln teńge: Shymkent turǵyndary almaǵan taýary úshin nesıe tóleýge májbúr bolǵan

ShYMKENT. QazAqparat - Shymkentte alaıaqtyqpen aınalysyp júrgen qylmystyq top ustaldy, dep habarlaıdy QazAqparat tilshisi.

Polıtsııa departamentiniń qyzmetkerleri 250-den astam azamatty aldady degen kúdikpen 5 turǵynnyń qolyna kisen saldy.

Onyń barlyǵy Túrkistan oblysynyń jergilikti turǵyndary bolyp shyqty. Jalpy 300 mıllıonnan teńgeden astam shyǵyn kelgen.

«Qylmystyq top belgilengen shema boıynsha jumys istegen. Olar jergilikti azamattardyń senimine kirip, iri saýda úıleri arqyly qaıtarymsyz qarjy shyǵaryp berýge ýáde etken. Sol arqyly, olardyń jeke málimetteri men qoltańbasyn ıelengen jáne olardyń atynan múliktik nesıe alǵan. Nátıjesinde turǵyndar almaǵan taýarlary úshin nesıe tóleýge májbúr bolǵan» - delingen polıtsııa departamentiniń baspasóz qyzmeti taratqan habarlamada.

Qazir kúdiktiler qamaýǵa alyndy. Sotqa deıingi tergep-tekserý amaldary júrip jatyr.