300 memlekettik qyzmetker qashyqtan qazaq tilin oqıdy

ASTANA. QazAqparat - QR Mádenıet jáne sport mınıstrligi Tilderdi damytý jáne qoǵamdyq-saıası jumys komıteti men Qazaqstan Respýblıkasy Prezıdentiniń janyndaǵy Memlekettik basqarý akademııasynyń «Memlekettik qyzmetshiniń tildik quzyrettiligin arttyrý taqyrybyndaǵy ilki jobasy aıasynda 300 memlekettik qyzmetker qazaq tiline oqytylady.

«QR Tilderdi damytý men qoldanýdyń 2011-2020 jyldarǵa arnalǵan memlekettik baǵdarlamanyń «Memlekettik tildi meńgerý» baǵytyn júzege asyrý memlekettik qyzmetshilerdi oqytýda birizdi tıptik baǵdarlamanyń qoldanylýyn, Til ortalyqtarynyń qazaq tilin akademııalyq pán retinde ǵana oqytpaı, memlekettik qyzmetshini tildi oqytýdyń barlyq deńgeıinen ótken eresek aýdıtorııa retinde qabyldap, kásibı qyzmetke qajetti ınnovatsııalyq tehnologııalardy, avtorlyq baǵdarlamalardy qoldana oqytýdy talap etedi», - deıdi akademııa rektory Bolatbek Ábdirásilov. 

Onyń aıtýyna qaraǵanda, atalǵan qajettilikti júzege asyrý maqsatynda, kásibı qyzmetinde, kúndelikti qarym-qatynas barysynda memlekettik tildi jetkilikti deńgeıde qoldana almaıtyn memlekettik qyzmetshilerge 3 deńgeılik ıntensıvti-trenıngtik jáne qashyqtyqtan oqytý jobasy usynylady.

Іlki joba boıynsha, memlekettik tildi kásibı qyzmetinde jetik qoldana almaıtyn bir memlekettik qyzmetshi 3 deńgeılik biliktilikti arttyrý semınarlarynan (A1-A2, V1, V2) ótedi.

Usynylyp otyrǵan joba QR Prezıdenti N.Nazarbaevtyń kásibı memlekettik apparatty qalyptastyrý jónindegi «100 naqty qadam» Ult josparyna sáıkes, memlekettik qyzmetshilerdi daıarlaý, qaıta daıarlaý jáne olardyń biliktiligin arttyrý qaǵıdalaryna saı til saıasatyn jetildirý, memlekettik qyzmette memlekettik tildi qoldaný mártebesin arttyrý, qazaq tilin zııaly ulttyń áleýetine aınaldyrý baǵytyndaǵy jumystardy turaqty túrde júrgizý maqsatynda, memlekettik tildi kásibı qyzmet, kúndelikti qarym-qatynas barysynda jetkilikti deńgeıde qoldana almaıtyn memlekettik qyzmetshilerdiń sóıleýin, ár túrli resmı stıldi dıskýrstarǵa túsýin, monologty oılaryn jetildirip, analıtıkaly-saraptamalyq taldaýlar jasaýdyń ádis-tásilderin ıgertýge baǵyttalǵan.

Memlekettik qyzmetshilerdiń qazaq tilinde tyńdap túsiný, oqý, sóıleý, jazý jáne jazbasha sóıleý quzyrettilikterin qarapaıym (A1-A2) deńgeıden ortadan joǵary (V1-V2) deńgeılerine ıntensıvti-trenıngtik, qashyqtyqtan oqytý arqyly jetkizý, sondaı-aq qazaq tilinde resmı sóıleý negizderimen tanystyra otyryp, memlekettik qyzmetshilerdiń kez kelgen taqyryp boıynsha resmı stılde sóz sóıleý mánerin qalyptastyrý kózdeledi.