300 qatysýshy jáne 17 mamandyq: «Úzdik maman» baıqaýynyń qorytyndysy shyqty

<p>ASTANA. KAZINFORM &ndash; Mańǵystaý oblysynda &laquo;QazMunaıGaz&raquo; kompanııalar tobynyń jumysshy mamandyqtary arasynda ótkizilgen jyl saıynǵy &laquo;Úzdik maman &mdash; 2024&raquo; baıqaýy <a href="https://t.me/kmgpress/4977" target="_blank" rel="noopener">óz máresine jetti</a>.</p>

Munaı-gaz kesheni salasyndaǵy 17 mamandyq boıynsha 300 qatysýshy óz sheberlikterin synady. Bıyl baıqaýǵa alǵash ret Rýmynııadan kelgen KMG International qyzmetkerleri qatysty. Aqtyq kezeń jarysynyń qatysýshylary — bul óz ujymdary arasynda irikteýden ótken jeńimpazdar.

Foto: QazMunaıGaz

Іs-sharanyń jabylý saltanatynda QMG basshysy Ashat Hasenov jınalǵandardy quttyqtap, barlyq qatysýshylar jaqsy nátıje men joǵary kásibı sheberlik kórsetkenderin atap ótti.

— «QazMunaıGaz» jáne oǵan qarasty barlyq kásiporyndar — el ekonomıkasynyń damýyna úlken úles qosyp otyrǵan kompanııalar. Óńirlerde azamattardyń ál-aýqatyn kóterýge baǵyttalǵan aýqymdy áleýmettik jobalar belsendi iske asyrylýda. Buǵan sizderdiń árqaısyńyzdyń qosyp jatqan úlesterińiz zor. «Úzdik maman — 2024» baıqaýy bizdiń mamandardyń bilim deńgeıi men kásibıliginiń joǵary ekendigin taǵy da dáleldeı tústi», — dep atap ótti A.Hasenov.

Foto: QazMunaıGaz

Baıqaý eki kezeńnen turdy: teorııalyq bilimdi tekserýge arnalǵan testileý jáne praktıkalyq tapsyrmalardy oryndaý. Jarystar QMG-nyń enshiles kompanııalarynyń óndiris alańdarynda ótti — «Ózenmunaıgaz» AQ, «Mańǵystaýmunaıgaz» AQ (Jetibaı), «QazTransOıl» AQ (Mańǵystaýmunaı qubyry basqarmasynyń oqý ortalyǵy), «QMG Injınırıng» JShS (Aqtaý qalasyndaǵyhımııalyq taldaý zerthanasy).

Foto: QazMunaıGaz

«Úzdik maman — 2024» baıqaýynyń qatysýshylary bul doda jyl saıyn QMG enshiles kompanııalarynyń eńbek ujymdaryn biriktirip, munaı-gaz salasyndaǵy mamandyqtar boıynsha sheberlikti shyńdaýǵa kómektesetinin atap ótti.

Baıqaý jeńimpazdarynyń tolyq tizimi QMG saıtynda jarııalanǵan.