300-ge jýyq qaraǵandylyq volonter jalǵyzbasty qarttardyń aýlasyndaǵy qardy kúrep berdi

QARAǴANDY. QazAqparat – Qaraǵandy oblysy jastar resýrstyq ortalyǵynyń eriktileri jalǵyzbasty qart adamdarǵa, múgedekterge, UOS ardagerlerine úıdiń aýlasyn qardan tazartýǵa kómektesti. 15 aqpannan 1 naýryzǵa deıin olar «Qar vahtasyn» uıymdastyrdy, dep habarlaıdy QazAqparat tilshisi.

«Aktsııaǵa oblystyń 16 óńiri qatysty. 79 is-shara ótkizildi, oǵan 299 volonter qatysty. 1 naýryzda aktsııa aıaqtaldy jáne «Qar vahtasyna» qatysqan eń belsendi volonterler marapattaldy», – dep habarlady Qaraǵandy oblysy boıynsha volonterler front-keńsesiniń basshysy Mádına Tursynbekova.

Eriktiler qart adamdarǵa kómek kórsetý aktsııasyna úlken yqylaspen qatysqanyn atap ótti.

«Osy shara týraly estigende biz birden oǵan qatysyp, qarııalarǵa kómekteskimiz keldi. Bir áıelge kómektestik, onyń aty Hanshaıym apa. Biz onyń úıine kelgende aýlasyn qalyń qar basyp ketken eken, tipti qaqpalar da ashylmaıdy. Biz tórteý edik. Jigitter qar kúredi, al qyzdar úı jınaýǵa kómektesip, tamaq daıyndady», – deıdi Qaraǵandy medýnıversıtetiniń «Samuryq» stýdenttik respýblıkasynyń qoǵamdyq jumys mınıstri Aıdos Jamalov.