300 aqtóbelikti WhatsApp arqyly alańǵa shaqyrǵan adam anyqtaldy
15:50, 03 Mamyr 2022
NUR-SULTAN. QazAqparat – QR Bas prokýratýrasynyń 1 qyzmet bastyǵynyń orynbasary Eldos Qılymjanov qańtar oqıǵasy kezinde 300 aqtóbelikti WhatsApp arqyly alańǵa shaqyrǵan kúdiktiniń áreketteri týraly málimet berdi, dep habarlaıdy QazAqparat tilshisi.
«Aqtóbe qalasynda oblys ákimdigine shabýyldaýshylardyń biri ustaldy. Sol kúnderi bul qylmysker «WhatsApp» messendjerin paıdalanyp, 300-den astam adamdy jınady. Sodan keıin atalǵan adamdar Aqtóbe oblysy ákimdiginiń ǵımaratyn basyp alýǵa belsendi túrde qatysty», - dedi Bas prokýratýra ókili.
Aıtýynsha, osy oqıǵa saldarynan 31 saqshy aýyr jaraqat alǵan.
«Shabýylǵa toıtarys berý kezinde quqyq qorǵaý organdarynyń 31 qyzmetkeri aýyr dene jaraqattaryn aldy. Kúdikti jáne onyń sybaılastary sot sanktsııasymen qamaýda otyr», - dedi Eldos Qılymjanov.
Buǵan deıin QR ІІM Tergeý departamentiniń basshysy Sanjar Ádilov qańtar oqıǵasy kezinde ásirese úsh óńirde nysandar qatty tonalǵanyn aıtqan edi.