30 jyl boıy bozdaǵyn kútken anaǵa eskertkish ornatyldy
Maqat aýdanynyń ortalyǵy – Maqat kentinde boı kótergen eskertkishte Ekinshi dúnıejúzilik soǵysqa attanǵan jalǵyz ulyn 30 jyl boıy – sońǵy demi qalǵansha kútken Sándi Deńgelbaıqyzynyń beınesi somdalǵan.
«Ótkensiz bolashaq joq. Toǵyz joldyń torabyna ornalasqan Maqat kentinde «Bozdaǵyn kútken ana» eskertkishin ornatýdyń ózindik máni bar. Bul eskertkish – maıdannan oralmaǵan jalǵyzynyń jolyn tosqan, jaqsy habar kútýmen dúnıeden úmitpen ótken ana rýhyna taǵzymnyń kórinisi. Osy eskertkishten ananyń qaıtpas qaısarlyǵy men rýhynyń myqtylyǵyn baıqaýǵa bolady» -dedi oblys ákimi Mahambet Dosmuhambetov.
Maqat kentindegi temirjol vokzalynyń aldyna qoıylǵan eskertkishtiń bıiktigi – 4 metr. Eskertkishtiń ornatylýyna demeýshiler qarjylaı kómek bergen.
Eske sala ketelik, buǵan deıin Atyraý oblysynda aınalma jol ashylǵanyn habarlaǵan edik.