30 tamyz. Tulǵalar týǵan kún

<p>Búgin, 30 tamyz kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.</p>

ESІMDER

63 jyl buryn (1961) QR memleket jáne qoǵam qaıratkeri, «Qazaqstannyń kásipker áıelder odaǵy» Qoǵamdyq birlestiginiń tóraıymy Merýert Aıtqajyqyzy QAZBEKOVA dúnıege keldi.

Kókshetaý qalasynda týǵan. Almaty halyq sharýashylyǵy ınstıtýtyn, «Turan» ýnıversıtetin, RF Prezıdenti janyndaǵy Reseı memlekettik qyzmet akademııasyn bitirgen. Saıası ǵylymdardyń kandıdaty.

Eńbek joly: 1983-1985 jyldary Ońtústik Qazaqstan oblystyq memlekettik saqtandyrýda ınjener-ekonomıst bolyp jumys istegen. 1986-1989 jyldary Kókshetaý qalalyq atqarý komıtetinde ınjener-ekonomıst, ekonomıst, aǵa ekonomıst. 1991-1992 jyldary Kókshetaý qalasynda sharýashylyq eseptik-ekonomıkalyq top jetekshisi, 1992-2006 jyldary «Tilektes» JShS-niń dırektory, «AVZ - 007» JShS-niń qarjylyq dırektory, 2006-2008 jyldary «Qazaqstan temir joly» UK AQ Qarjy departamentiniń basqarma bastyǵy qyzmetin atqarǵan. 2008 jyldan bastap «Qazaqstannyń kásipker áıelder odaǵy» Qoǵamdyq birlestiginiń tóraıymy. 1998-2002 jyldary Іsker áıelder qaýymdastyǵynyń Aqmola oblystyq bólimshesiniń tóraıymy (qoǵamdyq negizde). 2000 jyly AQSh-ta taǵylymdamadan ótken. 2001 jyly AQSh-ta «SABIT» baǵdarlamasy boıynsha taǵylymdamadan ótken. 2002-2006 jyldary Áıelder kásipkerligin damytý ortalyǵynyń tóraıymy (qoǵamdyq negizde). 2012 jylǵy qańtardan bastap besinshi jáne 2016 jyldyń naýryz aıynan bastap altynshy saılanǵan QR Parlamenti Májilisiniń depýtaty, Ekonomıkalyq reforma jáne óńirlik damý komıtetiniń hatshysy. 2002-2005 jyldary «Aqjol» QDP-nyń Aqmola oblystyq bólimshesiniń tóraıymy. 2012 jyldan QR Parlamenti Májilisindegi «Aq jol» QDP fraktsııasynyń múshesi. 2015-2021 jyldary altynshy saılanǵan QR Parlamenti Májilisiniń depýtaty, Ekonomıkalyq reforma jáne óńirlik damý komıtetiniń hatshysy boldy.

«Qazaqstan Respýblıkasynyń Táýelsizdigine 10 jyl» medalimen marapattalǵan.

54 jyl buryn (1970) Qazaqstan Respýblıkasy Sybaılas jemqorlyqqa qarsy is-qımyl agenttigi tóraǵasynyń keńesshisi Jazıra Jaqsylyqqyzy JYLQYShIEVA dúnıege keldi.

Foto: taunews.kz

Qyzylorda oblysy Jalaǵash aýdanynda dúnıege kelgen. 1992 jyly Qyzylorda pedagogıkalyq ınstıtýtyn, fızıka pániniń muǵalimi mamandyǵy jáne 2006 jyly «Bolashaq» ýnıversıtetin zańger mamandyǵy boıynsha bitirgen.

Eńbek jolyn 1992 jyly Jalaǵash aýdandyq №31 orta mektebinde fızıka pániniń muǵalimi retinde bastaǵan.

Memlekettik qyzmette eńbek jolyn 2001 jyldyń 10 sáýirinde QR Memlekettik qyzmet isteri jónindegi agenttiginiń Qyzylorda oblysy boıynsha basqarmasyna bas mamany retinde bastaǵan. 2005 jyly oblystyq jolaýshylar kóligi jáne avtomobıl basqarmasynyń ákimshilik bóliminiń basshysy laýazymyn atqardy. 2005 jyly QR Memlekettik qyzmet isteri jónindegi agenttigi Qyzylorda oblysy boıynsha basqarmasynyń memlekettik qyzmetti kadrlyq jáne quqyqtyq qamtamasyz etý bóliminiń basshysy qyzmetine taǵaıyndaldy. 2007 jyly Qyzylorda oblystyq ishki saıasat departamenti dırektorynyń orynbasary qyzmetin atqarǵan. 2007-2011 jyldary Qyzylorda oblysy ákimi apparatynyń kadr jumysy bóliminiń meńgerýshisi, 2011-2015 jyldary Qyzylorda oblysynyń jumyspen qamtýdy úılestirý jáne áleýmettik baǵdarlamalar basqarmasynyń basshysy qyzmetin atqardy. 2015 jyly Qyzylorda oblystyq ishki saıasat basqarmasynyń basshysy bolyp taǵaıyndaldy. 2016 jyly Qyzylorda oblysy boıynsha QR Memlekettik qyzmet jáne sybaılas jemqorlyqqa qarsy is-qımyl departamenttiniń basshysy, 2016-2018 jyldary Astana qalasy boıynsha boıynsha QR Memlekettik qyzmet jáne sybaılas jemqorlyqqa qarsy is-qımyl agenttigi Memlekettik qyzmet departamentiniń etıka jónindegi keńesi hatshylyǵynyń meńgerýshisi, basshy orynbasary, 2018-2021 jyldary Astana qalasy boıynsha boıynsha QR Memlekettik qyzmet jáne sybaılas jemqorlyqqa qarsy is-qımyl agenttigi memlekettik qyzmet departamentiniń basshysy bolǵan.

Qazirgi qyzmetinde – 2021 jyldyń qańtarynan.

«Qurmet» ordenimen marapattalǵan.

52 jyl buryn (1972) Qyzylorda oblysynyń prokýrory Rızabek Kárimuly OJAROV dúnıege keldi.

Foto: Qyzylorda oblysynyń prokýratýrasy

Almaty oblysynda týǵan. Ál-Farabı atyndaǵy Qazaq ulttyq ýnıversıtetin «Quqyqtaný» mamandyǵy boıynsha jáne Ulttyq qaýipsizdik komıtetiniń ınstıtýtyn bitirgen.

Eńbek joly: 1996-2017 jyldary QR Ulttyq qaýipsizdik komıtetiniń Almaty qalasy jáne Almaty oblysy boıynsha departamentterinde, ortalyq apparatta departament bastyǵynyń orynbasary qyzmetinde eńbek etken. 2017-2018 jyldary QR Bas prokýratýranyń Arnaıy prokýrorlar qyzmeti bastyǵynyń orynbasary bolyp jumys istedi. 2019 jyly Almaty oblysy prokýrorynyń orynbasary laýazymyn atqarǵan. 2019-2024 jyldary QR Bas prokýratýrasynyń

Cotqa deıingi tergep-tekserý qyzmetin basqardy.

Qazirgi qyzmetin 2024 jyldyń qańtarynan bastap atqaryp keledi.

«Jaýyngerlik erligi úshin» medalimen marapattalǵan.