30 myńnan astam jolaýshy 2017 jyldy poıyzda qarsy aldy

ASTANA. QazAqparat - Ótken jyldyń 29 jeltoqsannan bıylǵy jyldyń 3 qańtar aralyǵynda jarty mıllıonnan astam jolaýshy tasymaldandy. Onyń 92 myń Astanaǵa tıesili, dep habarlaıdy «Qazaqstan temir joly» UK» AQ baspasóz qyzmeti.

30 myńnan astam jolaýshy jańa 2017 jyldy poıyzda qarsy aldy.

Jańa jyl merekelerine oraı ósken tasymaldaý qyzmetin qamtasamyz etý úshin qosymsha poıyzdar qosyldy.

 «QTJ» UQ» AQ-nyń ótkizý protsessimen aınalysatyn barlyq bólimsheleri jańa jyldyq merekeler kezinde erekshe tártippen jumys istedi.  Poıyzdardyń tolassyz qozǵalysyn qamtamasyz etý úshin jetekshi quram kezeksheligi uıymdastyryldy. Barlyq temirjol toraptarynda qaýipsizdikti kúsheıtý aıasynda qosymsha sharalar qabyldandy», delingen habarlamada. 

Júk tasymaldaý men magıstraldik jeli jetekshileri mereke kúnderi stantsııalardaǵy qozǵalys qaýipsizdigin tekserdi.

Sonymen qatar jolshylarda aýa-raıynyń qolaısyzdyǵyna qaramastan poıyzdardyń ótkizilimin qadaǵalap, kúsheıtilgen tártiptemede qyzmet atqardy. Boran, kóktaıǵaq pen tumanǵa baılanysty sol kúnderi tórt kólik jolarnalary jabylǵan.

Sonymen qatar, mereke qarsańyndaǵy alty kún ishinde 29 jeltoqsannan 3 qańtarǵa deıin 18 myń shaqyrym qar temir joldarynan tazartyldy.  120 myń tekshe metr qar jınap alyndy.