30 myńnan asa otbasyǵa qurbandyqqa shalynǵan mal eti taratyldy
15:13, 01 Tamyz 2020
NUR-SULTAN. QazAqparat - Qazaqstan musylmandary dinı basqarmasy qazirgi ýaqytqa deıin 30 715 otbasyǵa qurbandyqqa shalynǵan mal eti jetkizdi, dep habarlaıdy QazAqparat tilshisi.
Sonymen qatar, qurbandyq eti qarttar, jetimder, balalar úıleri men aýrýhanalarǵa taratyldy. Merekelik qýanyshqa bólengen jandar alǵystaryn aıtyp, rızashylyq sezimderin bildirýde.
Sondaı-aq, WWW.QURBAN2020.KZ qaıyrymdylyq jobasy aıasynda qurban shalýǵa tapsyrys bergen azamattar tarapynan da telefon, áleýmettik jeli, ýatsap arqyly oń pikirler kelip túsýde.
Eske salsaq, Qurban aıttyń birinshi kúninde 17 997 otbasyǵa et taratylǵany týraly habarlaǵan bolatynbyz.