30 mln teńgeden astam qarjy jymqyrǵan kásiporyn basshysy sottaldy - Aqtóbe oblysy
15:23, 06 Mamyr 2020
AQTÓBE. QazAqparat - Aqtóbe oblysynda 30 mln teńgeden astam bıýdjet qarajatyn jymqyrǵan kásiporyn basshysy sottaldy, dep habarlaıdy QazAqparat Qarjy monıtorıngi komıtetiniń baspasóz qyzmetine silteme jasap.
QR QM Qarjy monıtorıngi komıtetiniń Aqtóbe oblysy boıynsha
Ekonomıkalyq tergeý departamentiniń qyzmetkerleri jedel-izdestirý sharalaryn júrgizý barysynda iri kólemdegi bıýdjet qarajatyn jymqyrý faktisiniń jolyn kesti.
Oblystaǵy bir kásiporynnyń basshysy «Aqtóbe oblysy Baıǵanın aýdanynda sýmen jabdyqtaý obektileriniń qurylysy» jobasy boıynsha qurylys-montaj jumystaryn júrgizýge jumsalýy tıis 30 mln teńgeden astam bıýdjet qarajatyn zańsyz ıelenip alǵan.
Baıǵanın aýdandyq sotynyń úkimine sáıkes kásiporyn basshysy QR QK 190-babynyń 4-bólimi (asa iri kólemdegi alaıaqtyq) boıynsha kináli dep tanylyp, oǵan 6 jyl shartty túrde bas bostandyǵynan aıyrý jazasy taǵaıyndaldy.