30 qarasha. Tulǵalar týǵan kún

ASTANA. QazAqparat - Búgin, ıaǵnı 30 qarasha kúni tulǵalardan kimder dúnıege kelgen? QazAqparat oqyrmandaryna esimder kúntizbesin usynady.

ESІMDER

6 7 jyl buryn (1955) medıtsına ǵylymynyń doktory, professor, QR Memlekettik ǵylym akademııasynyń akademıgi Jaqsylyq Aqmyrzauly DOSQALIEV dúnıege kelgen.

Aqtóbe oblysy Alǵa qalasynda týǵan. Aqtóbe memlekettik medıtsına ınstıtýtyn «emdeý isi» mamandyǵy boıynsha úzdik támamdaǵan. Keıinnen KSRO MǴA Búkilodaqtyq hırýrgııa ǵylymı ortalyǵynda klınıkalyq ordınatýrany bitirgen.

Eńbek qyzmetin Alǵa aýdandyq aýrýhanasynda dáriger-hırýrg bolyp bastap, sodan bas dárigerdiń orynbasary bolyp qyzmet istedi. 1988 jyldan Aqtóbe Memlekettik Instıtýtynda aǵa laborant, ári qaraı jalpy jáne gospıtaldyq hırýrgııa kafedrasynda assıstent bolyp qyzmet istedi. 1989 jyly kandıdattyq dıssertatsııasyn qorǵady. 1993 jyldan 1995 jyldarda A.N.Syzǵanov atyndaǵy Ǵylymı-zertteý ınstıtýtyndaǵy klınıkalyq jáne eksperımenttik hırýrgııada qyzmet atqardy, aǵa, jetekshi, bas ǵylymı qyzmetker jolyn ótti, al 1995 jyldan endoskopııalyq hırýrgııa bólimin meńgerdi. 1998 jyldan 2000 jyldyń tamyz aıyna deıin Aqtóbe Memlekettik medıtsına akademııasynyń rektory bolyp qyzmet atqardy.

2000 jyldyń tamyz aıynda Densaýlyq saqtaý jónindegi QR Agenttiginiń tóraǵasy bolyp taǵaıyndaldy. 2004 jyldyń sáýir aıynan 2007 jyldyń qyrkúıek aıyna deıin «Qazaq Memlekettik Medıtsınalyq Akademııasy» RMQM-niń Rektory bolyp qyzmet istedi. 2007 jyldyń qyrkúıeginen bastap – Qazaqstan Respýblıkasynyń Parlament Májilisiniń depýtaty, áleýmettik-mádenıettik damytý jónindegi Komıtettiń Tóraǵasy. 2008- 2010 jyldary aralyǵynda Qazaqstan Respýblıkasynyń Densaýlyq saqtaý mınıstri. Memlekettik syılyǵynyń laýreaty, «Qurmet» ordenimen, M.Lomonosov ordenimen jáne «Gıpokrat» ordenimen marapattalǵan. 200-den astam ǵylymı eńbektiń, 12 monografııanyń, 50-den astam ónertabystyń avtory.

50 jylburyn (1972) Qazaqstan Respýblıkasynyń Tótenshe jaǵdaılar birinshi vıtse-mınıstri Ibragım Dáýkesuly KÚLShІMBAEV dúnıege kelgen.

Qaraǵandy oblysynda týǵan. Qaraǵandy polıtehnıkalyq ınstıtýtyn (1994); Reseı tótenshe jaǵdaılar mınıstrliginiń Azamattyq qorǵanys Akademııasyn (2002) bitirgen.

Eńbek joly: 1996 jyly tank vzvodynyń komandıri, tank polkindegi shtab bastyǵynyń orynbasary boldy. 2000 jyly QR TJM 52859 áskerı bólimi rota komandıriniń tárbıe jáne áleýmettik-quqyqtyq jumystar jónindegi orynbasary qyzmetin atqardy. 2002-2004 jyldar aralyǵynda - RF TJM azamattyq qorǵaý áskerı akademııasynyń tyńdaýshysy, úzdik támamdady. 2004 jyly Qaraǵandy oblystyq tótenshe jaǵdaılar basqarmasy Daıyndyq jáne oqytý ortalyǵynyń bólim basshysynyń orynbasary qyzmetin atqardy. 2005-2006 jyldary – TJM Qaraǵandy oblysy TJ departamentiniń Balqash qalasy TJ basqarmasy bastyǵynyń orynbasary. 2006-2009 jyldary –QR TJM Qaraǵandy oblysy TJ departamenti Balqash qalasy TJ basqarmasynyń bastyǵy. 2009 jyly QR TJM 52859 áskerı bóliminiń komandıri boldy. 2013-2016 jyldary – Astana qalasy Tótenshe jaǵdaılar departamenti basshysynyń orynbasary. 2016 jyly - Qaraǵandy oblysy Tótenshe jaǵdaılar departamentiniń basshysy qyzmetin atqardy.

Qazirgi qyzmetinde 2020 jyldyń qazan aıynan bastap.

«Qazaqstan Respýblıkasynyń qarýly kúshterine 10 jyl», ІІІ-shi dárejeli «Minsiz qyzmeti úshin», «Tótenshe jaǵdaılardyń aldyn alýda jáne joıýda úzdik shyqqany úshin», «Qazaqstan Respýblıkasynyń Táýelsizdigine 20 jyl», «Qazaqstan Respýblıkasynyń qarýly kúshterine 20 jyl» medaldarymen; «Qutqarý operatsııalaryna belsendi qatysqany úshin», «Tótenshe jaǵdaılar organdarynyń qurmetti qyzmetkeri» tós belgilerimen marapattalǵan.

4 9 jyl buryn (1973) Qazaqstan Respýblıkasy Energetıka mınıstrligi Atomdyq jáne energetıkalyq qadaǵalaý men baqylaý komıtetiniń tóraǵasy Suńǵat Qýatuly ESІMHANOV dúnıege keldi.

Pavlodar oblysynda týǵan. S. Toraıǵyrov atyndaǵy Pavlodar memlekettik ýnıversıteti (1996), mamandyǵy - bıznes jáne menedjment; «Bolashaq» ınstıtýty (2007), mamandyǵy - zańger. Eńbek joly: «Qazaqstan alıýmınııi» AQ ınjeneri, ekonomıst-normalaýshy, ekinshi dárejeli ekonomıst (1996-2000); Qazaqstan Respýblıkasynyń Tabıǵı monopolııalardy retteý jáne básekelestikti qorǵaý agenttiginiń Astana qalasy boıynsha departamentiniń bas mamany, bólim bastyǵy, dırektordyń orynbasary (2001-2003); Astana qalasy boıynsha Jıyntyq taldaý jáne úılestirý departamenti óńirlik bólimsheleri qyzmetin úılestirý basqarmasynyń bastyǵy, Astana qalasy boıynsha Ákimshilik jáne aýmaqtyq departamenti aýmaqtyq, kadr jumysy jáne memlekettik tildi damytý jáne aýdarma basqarmasynyń bastyǵy (2003-2004); Qazaqstan Respýblıkasynyń Tabıǵı monopolııalardy retteý jáne básekelestikti qorǵaý agenttiginiń Mańǵystaý oblysy jáne Qaraǵandy oblysy boıynsha departamentiniń dırektory (2004-2007); Astana qalasy «Igilik grýpp-HHI» JShS-nyń qarjy dırektory (2007-2008); «Qanysh Sátbaev atyndaǵy kanal» RMK bas dırektorynyń orynbasary (2008); Pavlodar oblysy Energetıka jáne kommýnaldyq sharýashylyq basqarmasynyń basshysy (2008-2010); «Qazaqenergııasaraptama» aktsıonerlik qoǵamynyń Prezıdenti (2010-2014); Qazaqstan Respýblıkasy energetıka mınıstrliginiń atomdyq jáne energetıkalyq qadaǵalaý men baqylaý komıtetiniń tóraǵasy (2014-2018). Qazaqstan Respýblıkasynyń energetıka vıtse-mınıstri (2018-2020). Pavlodar oblysy ákiminiń birinshi orynbasary (2020-2021). «Samuryq-Energo» AQ Basqarma tóraǵasy (2021-2022).

Qazirgi qyzmetinde 2022 jylǵy tamyzdan beri.

41 jyl buryn (1981) Oral qalasynyń prokýrory Meıirbek Saǵyndyquly TІLEÝLIEV dúnıege keldi.

Oral qalasynda týǵan. Eńbek joly: 2004-2007 jyldary – Oral qalasy prokýrorynyń kómekshisi, aǵa kómekshisi. 2007-2007 jyldary – Batys Qazaqstan oblysy prokýratýrasynyń tergeý jáne anyqtaý zańdylyǵyn qadaǵalaý basqarmasynyń prokýrory, aǵa prokýrory. 2009-2018 jyldary – Bas prokýratýranyń qylmystyq protsestiń sotqa deıingi satysynyń zańdylyǵyn qadaǵalaý jónindegi departamentiniń prokýrory, aǵa prokýrory, bólim bastyǵy jáne Bas prokýrordyń kómekshisi. 2018-2019 jyldary – Atyraý oblysy Qurmanǵazy aýdany prokýratýrasynyń bastyǵy.

Qazirgi qyzmetinde 2019 jyldyń qyrkúıeginen bastap.

3 8 jyl buryn (1984) sportshy, jeńil atlet, QR Olımpıada quramasynyń múshesi, úsh qarǵyp sekirýden London Olıpıadasynyń chempıony, Qazaqstan tarıhynda qatarynan úsh Olımpıadada júldege ıe bolǵan alǵashqy sportshy Olga Sergeevna RYPAKOVA dúnıege keldi.

Óskemen qalasynda týǵan. Qazaq sport jáne týrızm akademııasynyń olımpıadalyq sport túrleri fakýltetin bitirdi, jeńil atletıkadan jattyqtyrýshy-oqytýshy. 1994 jyldan Óskemendegi №4 balalar men jasóspirimder sport mektebiniń jeńil atletıkadan sportshysy. 2000 jyldan Óskemen qalasyndaǵy «Shyǵys Qazaqstan oblystyq mamandandyrylǵan balalar men jasóspirimder olımpıadalyq rezervter sport mektebinde daıyndyqtan ótti. London Olımpıadasynda altyn, Beıjiń jáne Rıo-de-Janeıro Olımpıadalarynda qola júlde ıelendi. XVI Azııa oıyndarynyń altyn, kúmis júldegeri. QR kópsaıysynan birneshe márte jeńimpazy jáne júldegeri. Jasóspirimder arasyndaǵy álem chempıonatynda (Vengrııa, 2001) 4-oryn aldy, álem chemıonatynyń kúmis júldegeri (ıAmaıka, 2002); І Azııalyq bessaıys oıyndarynyń chempıony jáne basqa da kóptegen halyqaralyq jarystarda jeńimpaz jáne júldeger atandy. Uzyndyqqa jáne úsh qarǵyp sekirýden úsh márte (2007, 2008, 2009) Azııa chempıony. Búkilálemdik Ýnıversıada chempıony (2007). Álem chempıony (Doha, 2010). Jabyq ǵımaratta ótken álem chempıonatynyń jeńimpazy (Katar, 2010). Dúnıejúzilik «Gaýhartas lıgasy» kezeńderiniń jeńimpazy jáne júldegeri.

3 7 jyl buryn (1985) «Qazaqstan temir joly» Ulttyq kompanııasy» AQ basqarma tóraǵasynyń orynbasary Erlan Hamardınuly QOIShYBAEV dúnıege keldi.

Almaty qalasynda dúnıege kelgen. 2007 jyly American University in Dubai (qarjy jáne bank isi), 2008 jyly Qazaq gýmanıtarlyq zań ýnıversıtetitin (zańtaný), 2017 jyly Qazaq kólik jáne kommýnıkatsııalar akademııasyn (logıstıka (kólik)), 2018 jyly Reseı Federatsııasy Prezıdenti janyndaǵy Reseı buqaralyq sharýashylyq jáne memlekettik qyzmet akademııasyn (óńirlik jáne mýnıtsıpaldyq menedjment) bitirdi.

Eńbek joly: 2007-2010 jyldary – Qazaqstan Respýblıkasy qarjy mınıstriniń kómekshisi; 2010-2011 jyldary – «Samuryq-Qazyna-Invest» JShS-niń ınvestıtsııalyq jobalar departamentiniń dırektory; 2011-2013 jyldary – «Qazaqstan temir joly» ulttyq kompanııasy» AQ enshiles uıymy «Kólik logıstıkasyn damytý ulttyq ortalyǵy» AQ vıtse-prezıdenti; 2013-2013 jyldary – «Qazaqstan temir joly» ulttyq kompanııasy» AQ fılıaly – «Kólik logıstıkasyn damytý ortalyǵy» dırektorynyń orynbasary; 2013-2015 jyldary – «Kólik qyzmetteri ortalyǵy» AQ prezıdenti; 2015-2018 jyldary – «KTZ EXSPRESS» aktsıonerlik qoǵamynyń logıstıka boıynsha bas dırektorynyń orynbasary; 2018-2019 jyldary – «Qazaqstandyq ındýstrııany damytý ınstıtýty» aktsıonerlik qoǵamy Basqarma Tóraǵasynyń orynbasary. 2019-2021 jyldary – Qostanaı oblysy ákiminiń orynbasary.

Qazirgi qyzmetinde 2021 jyldan bastap.