30 qańtar. QAZAQPARAT KÚNTІZBESІ: ATAÝLY KÚNDER, OQIǴALAR, ESІMDER
30 qańtar BEISENBІ
Ázirbaıjanda keden qyzmetkerleriniń kúni. 1997 jylǵy qańtardyń 10-da Ázirbaıjan Prezıdentiniń Jarlyǵymen bekitilgen. Jyl saıyn atalyp ótedi.
ESTE QALAR OQIǴALAR
80 jyl buryn (1934) Shymkent qorǵasyn zaýyty iske qosyldy. Ol TMD elderindegi qorǵasyn shyǵaratyn iri zaýyttardyń biri.
38 jyl buryn (1976) Bozashy bóliginiń soltústik eńisinde ornalasqan Qalamqas munaı-gaz ken ishi 1976 jyly ashylǵan. 1976 jyly BA-15N jeńil ózi júretin burǵylaý stanogy qatty aıazda Qalamqas ústirtiniń soltústik qanatyna jetkizildi (burǵylama sheberi A.Volochev). 1976 jylǵy qańtardyń 30-ynda K-1 skvajınasynan 587 metrlik tereńdikten gaz shyqty. 1979 jylǵy tamyzdyń 23-inde ónerkásiptik munaı-gaz shyǵaryla bastaldy, al 1980 jyldyń qańtarynda Qalamqas munaıynyń birinshi tankeri Bakýge jiberildi. 2005 jylǵy maýsymnyń 6-ynda «Qalamqasmunaıgaz» ónerkásiptik basqarmasy kenishten júz mıllıon tonna munaı shyǵardy.
2 2 jyl buryn (1992) Qazaqstan Respýblıkasy Eýropadaǵy qaýipsizdik jáne yntymaqtastyq uıymyna kirdi.
14 jyl buryn (2000) Qazaqstan Respýblıkasynyń Prezıdenti N.Á.Nazarbaev túrki tildes elderdiń mádenıet mınıstrleriniń Turaqty keńesi TÚRKІSOI-dyń XVII otyrysyna qatysýshylarmen kezdesti. Kezdesýde uıym aldynda turǵan maqsattar men mindetter talqylandy.
14 jyl buryn (2000) Qazaqstan Respýblıkasy Parlamenti Senatynyń Halyqaralyq ister, qorǵanys jáne qaýipsizdik jónindegi komıtetiniń depýtattary Qazaqstan men Qyrǵyzstan úkimeti arasyndaǵy Shý jáne Talas ózenderiniń sý sharýashylyq qurylymdaryn eki memlekettiń teń paıdalanýy týraly kelisimin talqylady.
10 jyl buryn (2004) Reseı Federatsııasynyń Omby qalasynda qazaqtyń uly ǵalymy, etnograf Shoqan Ýálıhanovqa eskertkish ornatyldy.
Eskertkish Ombydaǵy Shoqan Ýálıhanov atyndaǵy kóshege ornatyldy. Músin avtory - Qazaqstan Respýblıkasy Sýretshiler odaǵynyń múshesi, dotsent Azat Baıarlın.
8 jyl buryn (2006) Astanada Marat Azbanbaevtyń «Meniń Qazaqstanym - Jumeken» atty kitabynyń tanystyrylymy ótti.
8 jyl buryn (2006) «Ana tili» baspasynan Keńes Odaǵynyń Batyry, KSRO Pedagogıka ǵylymdary akademııasynyń akademıgi, qazaq aýyz ádebıetin zertteýshi Málik Ǵabdýllınniń «Altyn juldyz» atty estelik kitaby jaryq kórdi. Bul jınaqqa qaharman ǵalymnyń áskerı shyǵarmalary toptastyrylǵan. Atalǵan jınaqty qurastyryp, alǵy sózin fılologııa ǵylymdarynyń doktory, professor Serik Negımov jazǵan. Sonymen qatar osy baspadan Serik Negımovtyń «Qazaqtyń sal-serileri» atty jańa kitaby oqyrmandarmen qaýyshty. Ǵalymnyń atalǵan zertteý eńbegine Segiz seri, Aqan seri, Birjan sal syndy qazaqtyń belgili tulǵalarynyń ómiri men shyǵarmalary engizilgen.
7 jyl buryn (2007) Máskeý moneta saraıy qasıetti Quran kitabyn altynnan jasap shyǵardy. Kommertsııalyq fırmalardyń biriniń tapsyrysy boıynsha daıyndalǵan musylmandardyń basty kitabynyń mundaı danasynyń birinshi ıegeri Reseı prezıdenti Vladımır Pýtın boldy. Altyn Qurannyń naqty baǵasy jarııa etilmegen. Tek «birneshe ondaǵan mıllıon rýbl» týraly sóz bolǵany belgili. Kitapty jasaýǵa 14 kılogramm 999-shy synamaly altyn jumsalǵan. Quranda arab qarpimen jazylǵan 163 altyn paraq bar. Olardyń bıiktigi - 14 sm, eni - 10 sm. Kitaptyń basylýyn «Álemdik saıahat» jarnama fırmasynyń osy joba úshin arnaıy qurylǵan enshiles kásiporny qarjylandyrǵan. Basylymǵa qasıetti kitaptyń VIII ǵasyrda jazylǵan kóne qoljazbasy túpnusqa retinde alynǵan. Qasıetti kitaptyń 10 kóshirmesin jasaý kózdelgen. Olardyń barlyǵy ıslam negizgi din bolyp tabylatyn memleketterdiń basshylaryna syıǵa tartylady.
7 jyl buryn (2007) Máskeýdiń «Veche» baspasynda shyǵysqazaqstandyq jýrnalıst, tarıhshy-zertteýshi, oblystyq «7 kún» gazetiniń bas redaktory Vadım Obýhovtyń «Shvatka shestı ımperıı. Bıtva za Sıntszıan» atty kitaby jaryq kórdi.
Jańa kitap «HH ǵasyrdyń áskerı qupııalary» toptamasymen basylyp shyqty.
6 jyl buryn (2008) Shoqan Ýálıhanov atyndaǵy Kókshetaý memlekettik ýnıversıtetine Eýropalyq bıznes qaýymdastyǵynyń «Eýropalyq sapa» atty Halyqaralyq syılyǵy tapsyryldy. Sonymen qatar, atalǵan oqý ornynyń rektory belgili ǵalym-túrkitanýshy Shákir Ibraev Eýropadaǵy yqpaldastyqty damytýǵa qosqan úlesi úshin «Birikken Eýropa» atty halyqaralyq syılyqty birinshi ret aldy.
6 jyl buryn (2008) Aqordada Memleket basshysy Nursultan Nazarbaevqa «Býrabaı» kýrorttyq aýmaǵyn damytý jobasy tanystyryldy. «BF Global» túrik kompanııasy jasaǵan joba Şýche kóliniń jaǵasynda álemdik deńgeıdegi týrıstik oıyn-saýyq keshenin qurýdy qarastyrady. Onda qazirgi zamanǵy talaptarǵa saı 3700 nómirlik 9 qonaq úı salý josparlanyp otyr. Sondaı-aq, jalpy aýdany 21 myń sharshy metrden asatyn oıyn-saýyq jáne saýda ortalyqtary salynady. Keshenge birneshe kazıno, 700-den astam jeke menshik kottedjder men 1620 páterlik 4-5 qabattan turatyn turǵyn úıler kiredi. Jobany júzege asyrý «Býrabaı» kýrorttyq aýmaǵyn tanymal jazǵy jáne qysqy demalys orny retinde damytýdy kózdeıdi. Golf-klýbtar, at-sport ortalyǵy, shyńǵa órmeleýge arnalǵan ýchaskeler osynda álemniń túpkir-túpkirinen týrısterdi tartady. Qysta demalýdy súıetinder úshin onda muz aıdyndary, shańǵy jolbaǵyttary men osy zamanǵy kótergishteri bar taý shańǵysy joldary uıymdastyrylady. Jobany 5 kezeńge bólip, 12 jylda júzege asyrý josparlanyp otyr. Prezıdent jobany jasaýshylarǵa kýrorttyq aımaqtyń kólik ınfraqurylymyn salý qajettigin eskertti. Elbasy «Býrabaı» kýrorttyq aýmaǵy Qazaqstannyń injý-marjany ekendigin atap ótti. Ormandardy qoldan kelgenshe saqtap, shabylǵan aǵashtardyń aýmaǵyn qalpyna keltirý qajet.
3 jyl buryn (2011) Astanadaǵy «Qazaq eli» monýmenti aldynda Azıada-2011 alaýy janyp, qala boıynsha alaý estafetasy bastaldy. Azıada alaýyn Prezıdenttik mádenı ortalyq dırektory Myrzataı Joldasbekov tutatyp, alaýdy Astana qalasynyń ákimi Imanǵalı Tasmaǵambetovke usyndy. Elorda kósheleriniń boıymen 100 adam alaýdy ustap ótti. Olardyń ishinde - QR Ulttyq ǵarysh agenttiginiń tóraǵasy Talǵat Musabaev, Parlament Senatynyń depýtaty Qýanysh Sultanov, boks federatsııasynyń tóraǵasy Tımýr Qulybaev, 5 jasar balany órtten qutqaryp qalǵan Jandos Іlııas jáne t.b. boldy.
1 jyl buryn (2013) Mańǵystaý oblysynda jańa aýyl men eldi meken paıda boldy. Osylaısha «Bolashaq» aýyly men «Rahat» eldi mekeni quryldy.
1 jyl buryn (2013) Almatyda qazaq halyq ertegileri negizinde qurastyrylǵan anımatsııalyq jınaqtyń tanystyrylymy ótti. Jınaqqa 85 serııadan turatyn «Aldar Kóseniń kóńildi oqıǵalary», «Bizdi qorshaǵan álem» slaıd-shoý túrindegi 50 ertegi, 1000 sózden turatyn oryssha-qazaqsha ıllıýstratsııalyq aýdıo-sózdik endi.
1 jyl buryn (2013) L.N. Gýmılev atyndaǵy Eýrazııalyq ulttyq ýnıversıtet Eýropalyq ýnıversıtetter qaýymdastyǵyna múshe boldy.
81 jyl buryn (1933) Germanııa prezıdenti Paýl fon Gındenbýrg Adolf Gıtlerdi reıhskantsler (úkimet basshysy) qyzmetine taǵaıyndady.
ESІMDER
100 jyl buryn (1914-1937) jazýshy ERÝBAEV Sattar dúnıege keldi.
Ońtústik Qazaqstan oblysynyń Túrkistan aýdanynda týǵan. Aldymen aýyl moldasynan eskishe saýat ashqan. Túrkistan jetijyldyq mektebin bitirip, sonda aýdandyq komsomol komıtetinde biraz ýaqyt qyzmet istegen. Almatydaǵy joǵary oqý oryndaryna túsýge daıarlaıtyn arnaıy kýrsty, Lenıngradtyń tarıh-fılosofııa-lıngvıstıka ınstıtýtyn bitirgen. 1933 jyly «Orys neoromantızmi jáne qazaqtyń ulttyq ádebıeti» degen taqyrypta dıplom qorǵap, aspırantýrada qaldyryldy. Biraq Qazaqstan ólkelik komsomol komıtetiniń arnaıy shaqyrtqan telegrammasymen elge oraldy. Aldymen «Lenınskaıa smena», keıinnen «Lenınshil jas» gazetinde ádebıet bóliminiń meńgerýshisi qyzmetin atqardy. Munymen qatar Almatydaǵy joǵary aýyl sharýashylyǵy mektebiniń fılosofııa kafedrasynda assıstent bolyp, lektsııa oqydy. Biraz ýaqyt «Lenınshil jas», «Qaraǵandy proletarıaty» gazetterinde jaýapty redaktordyń orynbasary boldy. Óziniń bolashaq romany - «Meniń qurdastarymnyń» materıalyn osy kezeńde dál osy jerdegi ómirden jınaqtaǵan. Ol Qazaqstan jazýshylary odaǵynyń I sezine delegat bolyp qatysyp, odaqtyń músheligine alǵash qabyldanǵandardyń biri. 1935 jyly Almatyǵa oralyp, Lenıngrad ýnıversıtetiniń aspırantýrasyna túsýge daıyndaldy. Biraq meńdep ketken aýrýy onyń oqýyna erkindik bermedi. Qazaq pedagogıkalyq ınstıtýtynyń qazaq ádebıeti kafedrasyna dotsent bop ornalasyp, ádebıet tarıhy men teorııasynan dáris oqydy. Osy kezde «Meniń qurdastarymdy» jazyp júrdi. Tolyq aıaqtap úlgermegenmen, «Meniń qurdastarym» romanymen, kórkem áńgime, novellalarymen prozashy retinde, sýretteme-ocherk, maqalalary arqyly - pýblıtsıst, óleń-jyr, balladalary, epıgramma, parodııalary arqyly aqyn retinde ol týǵan ádebıeti tarıhynan óz ornyn aldy. 1966 jyly «Meniń qurdastarym» romany úshin Qazaqstan Lenın komsomoly syılyǵy berildi.
100 jyl buryn (1914-1986) kınooperator, kınorejısser, Qazaqstannyń eńbek sińirgen óner qaıratkeri BERKOVICh Mark Isaakovıch dúnıege keldi.
Búkilodaqtyq kınematografııa ınstıtýtyn bitirgen. 1937-1956 jyldary «Mosfılm» jáne «Mosnaýchfılm», al 1956-1986 jyldary «Qazahfılm» stýdııalarynda qyzmet etti. Sháken Aımanovpen shyǵarmashylyq birlikte bolyp, ol qoıǵan «Biz osynda turamyz», «Bizdiń súıikti dáriger», «Bir aýdanda», «Ánshi aýyl», «Aldarkóse», «Taqııaly perishte», «Naızatas baýraıynda» fılmderin, sondaı-aq «Asaý Ertis jaǵasynda», «Án qanaty» atty kórkem fılmderdi túsirdi. Ol «Bes jyldan keıin», «Muqannyń qaıta týýy», «Almaty», «Alǵashqy gúlder», «Jańa jylyńyzben», «Sháken Aımanov», «Tústi metalýrgııa», «Jańa alań» taǵy basqa ǵylymı-kópshilik jáne hronıkalyq-derekti lentalardyń túsirýshisi jáne qoıýshysy boldy. «Aıaqtalmaǵan ómir kınolentalary» atty estelik kitaby jaryq kórgen.
2-shi dárejeli «Otan soǵysy» ordenimen jáne medaldarmen marapattalǵan.
7 6 jyl buryn (1938) Ózbekstan Respýblıkasynyń tuńǵysh Prezıdenti, Ózbekstan Ǵylym akademııasynyń akademıgi, Ózbekstan Batyry KARIMOV Islam Abdýǵanıuly dúnıege keldi.
Ózbekstanda týǵan. Orta Azııa polıtehnıkalyq ınstıtýtyn, Tashkent halyq sharýashylyǵy ınstıtýtyn bitirgen. 1961-1966 jyldary - Tashkent avıatsııa zaýytynyń jetekshi ınjeneri, qurastyrýshysy. 1966-1983 jyldary - Memlekettik josparlaý komıteti tóraǵasynyń birinshi orynbasary. 1983-1986 jyldary - Ózbekstannyń qarjy mınıstri. 1990 jyly naýryzdyń 24-inde Ózbekstannyń Prezıdenti bolyp saılanǵan, sonymen qatar Mınıstrler Kabınetine de basshylyq jasaǵan. 1995 jyly ótken búkilhalyqtyq referendým sheshimimen Karımovtyń prezıdenttik ýákilettigi 2000 jylǵa deıin uzartylǵan. Al 2000 jyly ótken búkilhalyqtyq saılaýda Karımov Ózbekstan Respýblıkasynyń Prezıdenti bolyp qaıta saılanǵan. Ol táýelsiz memlekettiń saıası, ekonomıkalyq jáne áleýmettik júıelerin qalyptastyrýǵa, onyń halyqaralyq qarym-qatynastaryn ornyqtyrýǵa, ishki tynyshtyq pen tatýlyq ahýaldy ornatýǵa kóp úles qosqan. Syrtqy saıasatta TMD-nyń, túrki halyqtary memleketteri basshylarynyń sammıtterin, kezdesýlerin belsendi uıymdastyrýshylardyń biri retinde tanylǵan. Qazaqstanda dostyq saparmen birneshe márte bolǵan. Eki el arasyndaǵy týysqandyq qarym-qatynasty jetildirip, jaqsarta túsý úshin Qazaqstan Respýblıkasy Prezıdenti N.Nazarbaevpen kóptegen kezdesýler ótkizgen. 1997 jyly Qazaqstannyń «Altyn qyran» ordenimen marapattalǵan.
74 jyl buryn (1940) Q.Qýanyshbaev atyndaǵy Qazaq mýzykalyq-drama teatrynyń ártisi JÚNІS Shámil Syzdyquly dúnıege keldi.
Chelıabi oblysynyń Bredy stansasynda (RSFSR) týǵan. M.Áýezov atyndaǵy Qazaq memlekettik akademııalyq teatry janyndaǵy teatr stýdııasyn bitirgen. 1960 jyldan - S.Seıfýllın atyndaǵy Qazaq drama teatrynyń (Qaraǵandy) ártisi.
Qazirgi qyzmetinde - 1990 jyldan beri.
«Qurmet belgisi» ordenimen, «Eńbek ardageri», «Astananyń 10 jyldyǵy» medaldarmen marapattalǵan. Qazaqstannyń jáne halyqaralyq teatr festıvaldarynyń laýreaty.
69 jyl buryn (1945-1990) qazaq aqyny JAQYPBAEV Jumataı Saǵadıuly dúnıege keldi.
Almaty oblysynda týǵan.
Qazaq memlekettik ýnıversıtetin (ál-Farabı atyndaǵy Qazaq ulttyq ýnıversıtet) bitirgen.
Taldyqorǵan oblystyq gazetinde, «Jalyn» baspasynda, «Jalyn» jýrnalynda, Qazaqstan Jazýshylar odaǵynda qyzmet istegen.
Qazaq óleńine názik te syrbaz sezimge, syrly sýretke toly, ásem naqyshpen órnektelgen qanyq boıaýly jyrlar ákeldi. «Saratan», «Láılá», «Shuǵynyq gúl tórkini» jyr jınaqtarynda týǵan jerdiń kórkem tabıǵatyn, mahabbat pen sulýlyqty jyrlady. Aqyn dúnıe salǵannan
58 jyl buryn (1956) tarıh ǵylymynyń doktory, professor, Ál-Farabı atyndaǵy Qazaq ulttyq ýnıversıteti Qazaqstan Respýblıkasynyń tarıhy kafedrasynyń meńgerýshisi ALTAEV Asqar Shaýqatuly dúnıege keldi.
Almaty qalasynda týǵan. S.M.Kırov atyndaǵy Qazaq memlekettik ýnıversıtetin (qazirgi ál-Farabı atyndaǵy Qazaq ulttyq ýnıversıteti) bitirgen.
1979-1980 jyldary - Qazaq KSR Ǵylym akademııasy tarıh, arheologııa jáne etnografııa ınstıtýtynyń laboranty. 1980-1981 jyldary - KSRO Ǵylym akademııasy KSRO tarıh ınstıtýtynyń stajer-zertteýshisi. 1981-1999 jyldary - Qazaqstan Respýblıkasy Ǵylym akademııasy Tarıh, arheologııa jáne etnografııa ınstıtýtynyń kishi ǵylymı qyzmetkeri, ǵylymı qyzmetkeri, aǵa ǵylymı qyzmetkeri, aspıranty, aǵa ǵylymı qyzmetkeri, bólim meńgerýshisi. 1999-2008 jyldary - Abaı atyndaǵy Qazaq ulttyq pedagogıkalyq ýnıversıteti jalpy tarıh kafedrasynyń meńgerýshisi, ál-Farabı atyndaǵy Qazaq ulttyq ýnıversıtetiniń fakýltet dekany qyzmetterin atqarǵan. 2008 jyldan - qazirgi qyzmetinde.
«Sotsıalnoe razvıtıe rabochıh Karagandınskogo ýgolnogo basseına v 1970-1980-e gg.», «Sotsıalnoe razvıtıe rabochıh promyshlennostı Kazahstana» kitaptarynyń avtory.
54 jyl buryn (1960) Semeı garnızony áskerı sotynyń tóraǵasy JÚNІSBEKOV Asqarbek Júnisbekuly dúnıege keldi.
Semeı oblysy, Kókpekti aýdany, Eginbulaq aýylynda týǵan. 1994 jyly Qazaqstan Respýblıkasy Іshki Іster Mınıstrliginiń Qaraǵandy Joǵarǵy mektebin bitirgen. Mamandyǵy zańger. 1984-1997 jyldar aralyǵynda QR Іshki Іster Mınıstrligi júıesinde ár túrli qyzmette, 1997-2000 j.j. Jarma aýdandyq sotynyń tóraǵasy, 2000-2002 j.j. Qazaqstan Respýblıkasy Joǵarǵy soty janyndaǵy sot ákimshiligi Komıtetiniń boıynsha sot ákimshisi, 2002-2008 Semeı qalalyq sotynyń tóraǵasy bolyp jumys atqarǵan, 2008 jyldan bastap Semeı garnızonynyń áskerı soty tóraǵasynyń qyzmetin atqarýda.
«Qazaqstan Respýblıkasynyń sot júıesiniń Qurmetti qyzmetkeri», «Qazaqstan Respýblıkasynyń Áskerı sottar arasyndaǵy 2011 jylǵy Úzdik sýdıasy», ataqtary men «Qazaqstan Respýblıkasy Táýelsizdiginiń 20 jyldyǵy», «Qazaqstan Respýblıkasy Qarýly Kúshterine 20 jyl», medaldarynyń, «Qazaqstan Respýblıkasy Іshki Іster Mınıstrliginiń Úzdigi»,«QR Áskerı sotyna 20 jyl», «QR ІІM Іshki áskerine 20 jyl», «Shyǵys» óńirlik qolbasshylyǵyna 20 jyl» tósbelgileriniń ıegeri, «Qazaqstan Respýblıkasy Joǵarǵy sotynyń Qurmet gramotasy», «Qazaqstan Respýblıkasy sýdıalar odaǵynyń Qurmet gramotasy», Qazaqstan Respýblıkasy Joǵarǵy soty janyndaǵy sot ákimshiligi jónindegi Komıtettiń Qurmet jáne Semeı qalasynyń Ákiminiń Qurmet gramotalarynyń ıegeri.
53 jyl buryn (1961) Pavlodar oblysy Ertis aýdanynyń ákimi PІShENBAEV Nyǵman Qudaıbergenuly dúnıege keldi. Pavlodar oblysy Maı aýdanynda týǵan. Semeı zooveterınarlyq ınstıtýtyn, Sultanmahmut Toraıǵyrov atyndaǵy Pavlodar memlekettik ýnıversıtetin bitirgen. 1983-1984 jyldary - Semeı oblystyq aýyl sharýashylyǵy basqarmasynyń mal dárigeri. 1984-1991 jyldary - Pavlodar oblysy Maı aýdany stantsııasynyń mal dárigeri, Maı aýdany «Belogor» keńsharynda bas mal dárigeri. 1991-1997 jyldary -Pavlodar oblysy Maı aýdany «Qyzyl-Qurama» keńsharynyń dırektory, Pavlodar oblysy Maı aýdanynyń ákimniń birinshi orynbasary - AÓK-niń departament bastyǵy, 1997-2000 jyldary - Pavlodar oblysy veterınarııa komıtetiniń jetekshi mamany, Pavlodar aýdany ákimniń birinshi orynbasary - Pavlodar oblysynyń Pavlodar aýdanynyń aýyl sharýashylyǵy basqarmasynyń bastyǵy. 2000-2009 jyldary - Pavlodar oblysy Aqtoǵaı aýdanynyń ákimi. 2009-2010 jyldary Pavlodar oblysy ákiminiń keńesshisi qyzmetterin
5 1 jyl buryn (1963) «Kazahstanskaıa pravda» gazeti bas redaktorynyń birinshi orynbasary VOLKOV Sergeı Anatolevıch dúnıege keldi.
Almaty qalasynda týǵan. Almaty halyq sharýashylyǵy ınstıtýtyn bitirgen. Qazaqstan Respýblıkasy Jańa ekonomıkalyq qurylymdardy qoldaý jáne monopolııalyq qyzmetti shekteý jónindegi memlekettik komıtetiniń sektor meńgerýshisi bolǵan. 1992-2004 jyldary - «ABV», «Karavan», «Delovaıa nedelıa», «Novoe pokolenıe» gazetteriniń sholýshysy, «Bıznes-Klass», «Nedelıa», «Portret nedelı», «Polıtbıýro», «Profı» teledıdarlyq baǵdarlamalardyń avtory ári júrgizýshisi, «Kogda my vmeste», «Ekspertıza» baǵdarlamalarynyń bas redaktory qyzmetterin atqarǵan. 2004-2005 jyldary - «Kazahstanskaıa pravda» gazeti bas redaktorynyń orynbasary. Qazirgi qyzmetinde 2005 jyldan bastap isteıdi. Ol Qazaqstan basylymdarynda jaryq kórgen 900-den astam jýrnalıstik materıaldyń, 20-ǵa jýyq derekti vıdeofılmder stsenarııiniń jáne 5 avtorlyq telebaǵdarlamanyń avtory.
40 jyl buryn (1974) Qazaqstan Respýblıkasy Prezıdenti Protokolynyń bastyǵy TAÝFIKOV Rýmıl Taýfıkuly dúnıege keldi.
Bishkek qalasynda týǵan. Abaı atyndaǵy Almaty memlekettik ýnıversıtetin (1997, 2000), «Matematıka jáne ınformatıka», «Quqyqtaný» mamandyktary boıynsha bitirgen. Qazaq, orys jáne aǵylshyn tilderin biledi. 2000 jyldan - «Astana qalasynyń kommýnaldyq menshik qory» MKK bas mamany, bólimshesin basqarýshy. 2001 jyldyń mamyrynan - Astana qalasy ákimi apparatynyń uıymdastyrý-byqylaý jáne mamandarmen jumys bóliminiń bas mamany - Hattama jetekshisi. 2001 jyldyń qarashasynan - QR Prezıdenti Hattamasynyń keńes berýshisi, sektor meńgerýshisi, bas ınspektory. 2006 jyldyń naýryzynan - QR Prezıdenti hattamasy jetekshisiniń orynbasary. 2009 jyldan beri - QR Prezıdenti Hattamasynyń jetekshisi. «Qurmet» ordenimen (2010), «Qazaqstan Respýblıkasynyń táýelsizdigine ıÝjyl» (2001), «Qazaqstan Konstıtýtsııasyna 10 jyl» (2005), «Astananyń 10 jyldyǵy» (2008) medaldarymen marapattalǵan.
114 jyl buryn (1900-1955) keńes kompozıtory, Reseı halyq ártisi DÝNAEVSKII Isaak Osıpovıch dúnıege keldi.
Ýkraınanyń Poltava oblysynda týǵan.
Harkov konservatorııasyn bitirgen.
«I nashım, ı vashım», «Jenıhı», «Nojı», «Zolotaıa dolına», «Solomennaıa shlıapka», «Dorogı k schastıý», «Volnyı veter» operettalardyń, «Otdyh favna», «Mýrzılka», «Nevesta ı avtomat» baletteriniń, «Letıte, golýbı», «Vecher valsa», «Shkolnyı vals», «Molchanıe», «Ne zabyvaı» ánderiniń jáne kóptegen spektaklderge, mýltfılmderge, kınofılmderge arnalǵan mýzykalardyń avtory.
Eki márte Stalındik syılyqtyń ıegeri.
Eńbek Qyzyl Tý, «Qurmet belgisi», Qyzyl Juldyz ordenderimen, medaldarmen marapattalǵan.
Onyń esimimen Máskeý, Lıpetsk, Novosibir, Almaty qalalaryndaǵy kósheler atalǵan.
keıin jaryq kórgen «Kóktemgi hattar» óleńder jınaǵy oqyrman qaýymynyń iltıpatyna bólendi.
5 2 jyl buryn (1962) Iordanııanyń 1999 jyldan beri koroli ABDALLA II dúnıege keldi.
13 2 jyl buryn (1882-1945) AQSh-tyń 1933-1945 jyldardaǵy 32-shi prezıdenti Franklın Delano RÝZVELЬT dúnıege keldi.
9 1 jyl buryn (1923-1993) keńestik kınorejısser, stsenarıst, akter, KSRO halyq ártisi GAIDAI Leonıd Iovıch dúnıege keldi.
142 jyl buryn (1872-1944) keńestik ónertapqysh, avıatsııalyq ıyqqa asatyn parashıýt jasaýshy KOTELЬNIKOV Gleb Evgenevıch dúnıege keldi.
87 jyl buryn (1927-1986) shved saıasatkeri, Shvetsııanyń eki ret premer-mınıstri bolǵan Sven Ýlof PALЬME dúnıege keldi.