30 gradýs aıaz: Aýa raıyna baılanysty Astana turǵyndaryna eskertý jarııalandy

<p>Astanada aptanyń basy aıazdan bastaldy. Aldaǵy kúnderi aýa temperatýrasy 33 gradýstan tómen túsedi dep boljanǵan. Qala turǵyndary men qonaqtarynan jaraqat alý men úsik shalý sekildi qıyn jaǵdaıǵa ushyramas úshin uzaq ýaqyt kóshede bolmaýy qajet, dep habarlaıdy <a href="https://kaz.inform.kz/" target="_blank" rel="noopener">Kazinform</a> elorda ákimdiginiń resmı saıtyna silteme jasap.&nbsp;</p>

Qazgıdromet málimetinshe, 11-13 jeltoqsan kúnderi aýa temperatýrasy túnde jáne kúndiz -33 gradýsqa deıin tómendeıdi.

«Osyǵan baılanysty qaýipsizdik sharalaryn saqtaýdy usynamyz:

- Daýyl týraly eskertýler jarııalaǵan kezde alys saparlarǵa shyqpańyz jáne jaıaý júrmeńiz
- Avtojoldardaǵy aýa raıy jaǵdaılary men kólik qozǵalysynyń shekteýleri týraly aqparatty qadaǵalańyz.
- Qatty jel bolǵan jaǵdaıda jaqyn mańdaǵy ǵımaratty panalaý kerek. Aǵashtardan, ilýli turǵan qurylymdardan, elektr jelilerinen jáne bılbordtardan alys turyńyz.
- Balalardy qaraýsyz qaldyrmańyz.

Qatty aıaz tehnogendik órtterdiń kóbeıýine yqpal etýi múmkin. Osyǵan baılanysty biz joǵary qýatty elektr qurylǵylaryn bir ýaqytta qosý arqyly peshterdi qyzdyrmaýǵa nemese elektr jelilerine shamadan tys júkteme túsirmeý týraly keńes beremiz.

Sondaı-aq kólik ıelerine ashyq ottyń kómegimen avtomobılderdi jylytý qaýpi týraly eske salamyz», - dep jazylǵan habarlamada.