3 jylda ınnovatorlardyń 396 ıdeıalary men jobalaryn júzege asyrýǵa memleketten kómek berildi

ASTANA. 3 shilde. QazAqparat - Sońǵy úsh jylda ınnovatorlardyń 396 ıdeıalary men jobalaryn júzege asyrýǵa Tehnologııalyq damý jónindegi ulttyq agenttik jelisi boıynsha memleketten is júzinde kómek berildi. Osynyń barlyǵy da prezıdenttik eldi ındýstrıaldy damý baǵdarlamasynda qarastyrylǵan.

Innovatsııalyq damý úrdisiniń úılestirilýin qamtamasyz etýge járdemdesý jáne memlekettik qoldaý sharalaryn uıymdastyrý maqsatymen qurylǵan Agenttik kommertsııalaý júıesin, ınnovatsııalyq ınfraqurylymnyń tıimdiligin damytý, ınnovatsııalyq jobalarǵa ınvestıtsııalyq qoldaý kórsetý jáne ınnovatsııalyq qyzmetti kópshilikke taratýda el damýyna eleýli úles qosyp keledi.

2010-2013 jyldar aralyǵynda ınnovatsııalyq granttar boıynsha 1097 joba qarastyryldy. Jalpy quny 9 mlrd. teńgeni quraıtyn 173 joba qarjylandyrýǵa saı dep tanyldy. Sonymen qatar, 7 qazaqstandyq venchýrlyq qor qurylyp, 18 ınnovatsııalyq jobany qarjylandyrdy.

Aıta ketý kerek, 2010-2013 jyldar aralyǵynda tıimdi ınnovatsııalyq ınfraqurylym jasaqtaldy. Onyń quramyna 8 tehnopark, 4 konstrýktorlyq bıýro, 21 kommertsııalandyrý keńseleri, 5 aımaqtyq kommertsııalandyrý keńseleri men halyqaralyq deńgeıdegi 2 tehnologııalardyń transferti ortalyqtary kiredi.