3 jyl ishinde memlekettik sot oryndaýshylarynyń sany úsh ese qysqarady - QR Ádilet mınıstrligi
Búgin Almatyda jeke sot oryndaýshylary ınstıtýtyn damytý máseleleri boıynsha ótken semınar barysynda QR Ádilet vıtse-mınıstri Janat Eshmaǵambetov qazirgi tańda elimizde memlekettik sot oryndaýshylarynyń sany 1245 adamdy quraıtyndyǵyn málimdedi.
«Úsh jyl ishinde bul san 345-ke deıin qysqartylatyn bolady. ıAǵnı, qalǵan memlekettik sot oryndaýshylary memlekettik mekemelermen jáne óndirip alý somasy - 1000 aılyq eseptik kórsetkishten asatyn óndiris boıynsha jumys isteıtin bolady», - dedi vıtse-mınıstr.
Sonymen qatar, J. Eshmaǵambetov Qazaqstanda qurylǵanyna bes jyl ǵana bolsa da, jeke sot oryndaýshylary ınstıtýty óziniń tıimdiligin kórsetkendigin basa aıtty. Onyń pikirinshe, jeke sot oryndaýshylary óndirip alý isin júzege asyrýǵa yntaly keledi.
«2016 jyldyń basyna qaraı, memlekettik sot oryndaýshylarynyń óndirisinde alıment óndirip alý boıynsha 266 myńǵa jýyq is jatsa, jeke sot oryndaýshylarynyń qaramaǵynda 23 myńdaı is boldy. Alıment óndirip alý boıynsha oryndalmaı jatqan isterdiń kóbisi Astana qalasynda tirkeldi», - dedi J. Eshmaǵambetov.
Almatyda búgingi tańda 165 jeke sot oryndaýshylary jumys atqarady. Olardyń óndirisinde áleýmettik sanat boıynsha - 4 myńǵa jýyq is, al ákimshilik aıyppuldar boıynsha - 50 myńdaı is jatyr.
Buǵan deıin habarlanǵanyndaı, semınar barysynda Respýblıkalyq jeke sot oryndaýshylary Palatasynyń Halyqaralyq sot oryndaýshylary odaǵyna (UIHJ) tolyqqandy múshe bolǵandyǵy týraly memorandýmǵa qol qoıyldy.