3 jyl ishinde Qazaqstanda memlekettik sot oryndaýshylarynyń sany kúrt azaıady

ASTANA. QazAqparat - Úsh jyl ishinde Qazaqstandaǵy memlekettik sot oryndaýshylarynyń sany 70 paıyzǵa qysqarady. Bul týraly búgin QR Prezıdenti janyndaǵy Ortalyq kommýnıkatsııalar qyzmetinede ótip jatqan Jańǵyrtý jónindegi ulttyq komıssııa músheleriniń baspasóz máslıhatynda QR Prezıdent Əkimshiligi jetekshisiniń orynbasary Marat Beketaev məlim etti.

Onyń aıtýynsha, ótken jylmen salystyrǵanda azamattyq is júrgizýde prokýrordyń qatysýy 35 paıyzǵa qysqarǵan.Sondaı-aq, jeke sot oryndaýshylardyń ýəkilettilikteri de aıtarlyqtaı keńeıgen.

«Jyl basynan beri eki jarym aı ýaqytta jekemenshik sot oryndaýshylarǵa 250 myń is túsken. Bul ótken jyldyń səıkes merzimimen salystyrǵanda, eki ese artyq kórsetkish. Al, óz kezeginde, memlekettik sot oryndaýshylar da osy jyldyń eki aıy ýaqytynda ótken jyldyń səıkes kezeńimen salystyrǵanda tórt esege kem, ıaǵnı, 47 myń is túsken. Úsh jyl ishinde memlekettik sot oryndaýshylardyń sany 70 paıyzǵa qysqartylady»,-dep habarlady M.Beketaev.

Esterińizge sala keteıik, QR Premer-mınıstriniń orynbasary Darıǵa Nazarbaevanyń qatysýymen ótip jatqan baspasóz máslıhatynyń taqyryby - «100 naqty qadam» Ult josparyn is júzine asyrý».