3 túrkistandyq áleýmettik jelide ekstremıstik aýdıojazbalar taratqan
20:40, 20 Qarasha 2018
TÚRKІSTAN. QazAqparat - Túrkistandyq úsh turǵyn «V Kontakte» áleýmettik jelisinde ekstremıstik aýdıojazbalardy taratqan. Sozaq, Arys jáne Qazyǵurt aýdandary turǵyndarynyń zańsyz áreketi prokýrorlyq tekserý kezinde áshkere bolǵan, dep habarlaıdy QazAqparat tilshisi.
Oblystyq prokýratýranyń talap-aryzy boıynsha sotta atalǵan aýdıofaıldar dinı arazdyq pen alaýyzdyqty qozdyratyn jazbalar retinde tanylǵan. Onda rýlyq, dinı arazdyqty qozdyratyn belgileri bolǵany anyqtaldy. Mundaı qorytyndyny sot psıhologııalyq-fılologııalyq jáne dintanýshylyq saraptama da rastaǵan.
Aıta keteıik, úsh turǵyn buǵan deıin de osyndaı áreketteri úshin 2 jylǵa bas bostandyqtarynan aıyrylǵan bolatyn.