3 tamyz kúni el aýmaǵynda jańbyr jaýyp, kún kúrkireıdi

NUR-SULTAN. QazAqparat - 3 tamyz, sársenbige arnalǵan aýa raıy boljamy jarııalandy, dep habarlaıdy QazAqparat Qazgıdrometke silteme jasap.

Qazaqstan terrıtorııasynyń basym bóligi atmosferalyq fronttardyń yqpalynda bolady. Fronttar soltústikten ońtústikke aýysa otyryp, jańbyr jaýǵyzady, saldarynan naızaǵaı oınap, ekpindi jel soǵady.

Kúndiz ortalyqta, ońtústik-shyǵystyń taýly aýdandarynda qatty jańbyr jaýady, batysta, shyǵysta, ońtústik-shyǵysta burshaq jaýýy múmkin.

Túnde jáne tańerteń respýblıkanyń soltústiginde, soltústik-batysynda tuman túsedi.

Tek elimizdiń ońtústik-batysynda, soltústiginde antıtsıklon silemi bar jerlerde jaýyn-shashyn toqtaıdy.

Kúndiz Qaraǵandy oblysynyń shyǵysynda, ortalyǵynda, Jambyl oblysynyń taýly aýdandarynda qatty jańbyr jaýady.

Kúndiz Atyraý oblysynyń basym bóliginde qatty ystyq saqtalady.

Qyzylorda oblysynyń basym bóliginde, Abaı oblysynyń ońtústiginde, Atyraý oblysynyń soltústiginde tótenshe órt qaýpi saqtalady.

Nur-Sultan qalasynda aspanda kóshpeli bult jóńkiledi, jaýyn-shashyn joq. Soltústik-shyǵystan jel soǵady, kúndiz ekpini 15-20 m/s jetedi. Aýa temperatýrasy túnde +11+13°S, kúndiz +23+25°S bolady.

Almaty qalasynda kóshpeli bult shyǵyp, ótkinshi jańbyr jaýady, kún kúrkireıdi. Soltústik-shyǵystan jel soǵady, kúshi - 3-8 m/s. Aýa temperatýrasy túnde +19+21°S, kúndiz +29+31°S bolady.

Shymkent qalasynda kóshpeli bultty, keı ýaqytta jańbyr jaýyp, naızaǵaı jarqyldaıdy, daýyl turady. Ońtústik-batystan jel soǵady, kúshi - 8-13, ekpini - 15-20 m/s. Aýa temperatýrasy túnde +18+20°S, kúndiz +31+33°S bolady.