3 sportshy, 2 bapker — Koronavırýs anyqtalǵan olımpıadashylardyń háli qalaı

<p>ASTANA. KAZINFORM &mdash; Parıj Olımpıadasynda júlde alǵan sportshylardan koronavırýs ınfektsııasy tabylǵan. Bul týraly Kazinform tilshisine QR Týrızm jáne sport mınıstriniń qoǵammen baılanys jáne BAQ jónindegi keńesshisi Dıas Ahmetshárip aıtyp berdi.</p>

«Koronavırýs ınfektsııasy 3 sportshy (úsheýi de júldeger - red.) men 2 bapkerden anyqtaldy. Jalpy sportshylardy tekserý barysynda olardyń PTR testi oń nátıje kórsetip, COVID-19 vırýsy anyqtaldy. Úsh sportshynyń úsheýi de Parıj Olımpıadasynan júldege qol jetkizgen sportshylar. Qazir olar oqshaýlanyp, em-dom qabyldaýda. Jaǵdaılary jaqsy. Vırýs jeńil formada ótýde. Tezirek saýyǵyp ketýlerine tilektespiz. Quramanyń qalǵan músheleri din aman», - dedi Dıas Ahmetshárip.

Esterińizge sala keteıik, osyǵan deıin 15 tamyzda QR Prezıdenti Qasym-Jomart Toqaev Parıj Olımpıadasynyń jeńimpazdary jáne júldegerlerimen kezdeseýi keıinge shegerilgenin jazǵan bolatynbyz.