3 shildeden bastap Aqmola oblysynda karantın kúsheıtilmek

KÓKShETAÝ. QazAqparat - Aqmola oblysynyń Bas memlekettik sanıtarlyq dárigeriniń «Aqmola oblysynyń aýmaǵynda karantındik shekteý sharalaryna ózgerister men tolyqtyrýlar týraly» jańa qaýlysy shyqty, dep habarlaıdy QazAqparat tilshisi.

Qaýlyda otbasylyq, estelik (banket, úılený toı, mereıtoı, duǵa) jáne kópshilik jınalatyn ózge de is-sharalardy qoǵamdyq tamaqtaný obektilerinde jáne úıde ótkizýge tyıym salynyp otyr. Al, oıyn-saýyq oryndarysyz saıabaqtarǵa, alańdarǵa, skverlerge jáne ózge de demalys oryndaryna topta 3 adamnan artyq bolmaýy kerek nemese bir otbasy múshelerine barýǵa ruqsat beriledi. Jerleý is-sharalaryn júrgizý kezinde keminde 2 metr qashyqtyqty saqtaı otyryp, (otbasy músheleri) 30 adamnan artyq jınalýǵa jol berilmeıdi.

«Kópshilik is-sharalar (merekelik, kópshilik sport, oıyn-saýyq mádenı-kópshilik is-sharalardy, forým, konferentsııa jáne t.b. ótkizýge), otbasylyq is-sharalar (banket, úılený toıy, mereıtoı, merekelik korporatıv, duǵa) jáne kópshilik jınalatyn ózge de is-sharalardy, onyń ishinde úıde ótkizýge tyıym salynady. Oıyn-saýyq mekemeleri (túngi, oıyn klýbtar jáne basqa da), býkmeker keńseleriniń jáne eresekter men balalarǵa arnalǵan ózge de oıyn-saýyq, kalıan oryndarynyń (onyń ishinde qoǵamdyq tamaqtaný obektilerindegi) qyzmetine tyıym salynady. Merekelik korporatıvterdi uıymdastyrý men ótkizýge, kórme ótkizýge, (ashyq aýada) marafon ótkizýge, «Ashyq» jobasyna qatysatyn banket zaldarynda 30 adamnan asyrmaı, as berýdi qospaǵanda, as berýge tyıym salynady», - delingen qujatta.

Sonymen birge, kezekshi toptardy qospaǵanda, mektepke deıingi balalar mekemeleriniń qyzmetine tyıym salynsyn. 25 adamnan artyq emes mektepke deıingi balalar mekemeleriniń kezekshi toptarynyń qyzmetine jol berilmeıdi. Turaqty emes oblysaralyq (týrıstik tasymal) qozǵalysy, turaqty emes oblysaralyq, qalaaralyq (shaǵyn avtobýstar) qozǵalysy, «Ashyq» jobasyna qatysatyn obektilerdi qospaǵanda, balalarǵa oıyn-saýyq ortalyqtarynyń (oıyn alańdary, jabyq úı-jaılardaǵy attraktsıondar) qyzmetin toqtatady. Tek ashyq aýadaǵy attraktsıon qyzmetine ruqsat beriledi.

Budan bólek, bılıard, karaoke, kompıýterlik klýbtar, banket zaldary, boýlıng klýbtary, mádenıet obektileri, kınoteatr, teatr, kontsert zaldary, fılarmonııa, kórermendermen birge sport is-sharalaryna tıym salynady.

Al, qala mańyndaǵy jolaýshylar poezdarynyń/elektr poıyzdarynyń, jalpy vagonsyz jolaýshylar poezdarynyń qozǵalysyna, sondaı-aq, toltyrylýy 30 paıyzdan artyq emes balalar saýyqtyrý uıymdary qyzmetine ruqsat beriledi.

Meshitter, pravoslavıe shirkeýleri jáne basqa da dinı obektiler aýmaǵynda ujymdyq dinı is-sharalardy, onyń ishinde «juma namazy», kúndelikti pravoslavıelik duǵalar jáne basqalaryn, ashyq aýada ótkizý maska rejımi men bir adamǵa keminde 4 metr esebinen áleýmettik qashyqtyq saqtalǵan kezde júzege asyrylady. Kelýshiler sanyn 30 paıyzdan artyq emes jáne bir kelýshige keminde 4 sh.m. oryn saqtalǵan, (bazar úlgisindegi saýda úıleri, saýda ortalyqtary, pavılon, dúken jáne t. b.) jeksenbi kúnderi qyzmetin toqtata turyp, jabyq azyq-túlik emes jáne azyq-túlik bazarlary qyzmetine ruqsat beriledi. Azyq-túlik sýpermarketteri men olardaǵy dárihanalardy qospaǵanda, aýdany 500 sh.m. artyq saýda oıyn-saýyq ortalyqtary, saýda úıleri, saýda ortalyqtary, azyq-túlik emes dúkender, aralas taýarlar dúkenderi (qoıma úı-jaılarynsyz jalpy aýdany eskeriledi) senbi jáne jeksenbide jumysyn toqtatady. Ashyq» jobasyna qatysatyn obektilerdi qospaǵanda, balalar oıyn alańdary men attraktsıondary qyzmetine tyıym salynady.

Qaýly 2021 jylǵy 3 shildede saǵat 00.00-den bastap kúshine enedi.