3 myńǵa tarta talapker Qazaqstannyń áskerı joǵary oqý oryndaryna túsýge yqylas bildirýde
Onyń ishinde, bıylǵy jyldan bastap Qurlyq áskerleriniń Áskerı ınstıtýty men Radıoelektronıka jáne baılanys Áskerı-ınjenerlik ınstıtýtynda alǵash ret «Áskerı istegi logıstıka», «Áskerı istegi ıýrısprýdentsııa», «Áskerı istegi radıoelektronıka men ınjınırıng» jáne «Áskerı ujymnyń psıhologııasy», «Áskerı istegi aqparattyq qaýipsizdik júıeleri» mamandyqtary ashyldy, dep habarlady QR Qorǵanys mınıstrliginiń baspasóz qyzmeti.
Áýe qorǵanysy kúshteriniń Áskerı ınstıtýtynda da jańa mamandyqtar paıda boldy. Munda «Ushqyshsyz ushý apparattaryn ushýda paıdalaný» jáne «Áskerı medıtsına» mamandyqtary ashyldy.
QR QM Bilim jáne ǵylym departamenti ókilderiniń habarlaýynsha, búgingi kúni Qazaqstannyń túkpir-túkpirinen Qorǵanys mınıstrliginiń áskerı joǵary oqý oryndary men Kadet korpýsyna oqýǵa túsýge shamamen 3000 bozbala qujattaryn tapsyrdy. Olardyń barlyǵy bólingen 865 orynǵa úmittenýde.
Qazirgi kezde bozbalalar irikteýden ótý úshin birtindep oqý oryndaryna kelip jatyr. Іrikteý bes kezeńdi qamtıdy.
«Aldyn ala medıtsınalyq kýálandyrýdy azamattyq jalpy bilim berý mektepteriniń bitirýshileri ózderiniń aýdandarynda ótse, onda aldyn ala kásibı-psıhologııalyq irikteýdi, dene daıarlyǵyn, sońǵy medıtsınalyq kýálandyrý men kásibı-psıhologııalyq irikteýdi olarǵa tikeleı ózderi tańdaǵan joǵary oqý ornynda ótýge týra keledi. Áskerı mamandyqtar elimizde jyl saıyn úlken tanymaldylyqqa ıe bolýda», - delingen habarlamada.