3 myńdaı qandasymyz Qazaqstan azamattyǵyn jeńildetilgen tártipte aldy

NUR-SULTAN. QazAqparat - Qandastardyń Qazaqstan azamattyǵyn alý rásimi jeńildetilip, merzimi qysqartyldy. Jyl basynan beri Qazaqstan azamattyǵyna 2 935 otandasymyz osyndaı tártippen qabyldandy, dep habarlaıdy QazAqparat ІІM baspasóz qyzmetine silteme jasap.

QR Іshki ister mınıstrligi etnıkalyq qazaqtardyń Qazaqstan azamattyǵyn qabyldaý tártibin jeńildetý úshin birshama shara qabyldady.

«2021 jylǵy 1 qańtardan bastap qandastarǵa bir mezgilde Qazaqstanda turaqty turýǵa ruqsat alýǵa jáne Qazaqstan azamattyǵyna qabyldaýǵa qujattar usyný múmkindigi zańdy túrde engizildi. Buryn olar bul protsedýralardan bólek ótetin, al turaqty turý rásimi 2 aıǵa sozylatyn.

Budan soń bir aı ishinde turýǵa yqtııarhat daıyndaldy, sodan keıin ǵana Qazaqstan azamattyǵyna aldyn ala qujat tapsyrýǵa bolady. Bul 3 aı kóleminde qaralatyn», delingen habarlamada.

Mınıstrliktiń málimdeýinshe, qazir barlyq úsh kezeń bir ýaqytta ótedi. Jyl basynan beri Qazaqstan Respýblıkasynyń azamattyǵyna 2 935 otandasymyz osyndaı tártippen qabyldanǵan.

Qazirgi ýaqytta osy mysal boıynsha qandastarǵa qandas kýáligin berýden bastap azamattyqqa qabyldaýǵa deıingi jumystarǵa tartylǵan barlyq memlekettik organdardyń (EHÁQM, SІM, ІІM, AQDM, jergilikti atqarýshy organdar) jumysynyń biryńǵaı algorıtmi engizilýde», delingen habarlamada.

Nátıjesinde:

- olar tek HQKO-ǵa bir ret júginedi (ár memlekettik organǵa jeke emes);

- qujattar tizimi eki esege qysqarady;

- barlyq kezeńderden ótý merzimi 90 kún (materıaldardy qazirgideı kezek boıynsha emes, barlyq memlekettik organdar bir mezgilde qaraıdy).

Eske sala ketsek, 1 qyrkúıekten bastap tarıhı otanyna oralǵan etnıkalyq qazaqtar úshin tórt memlekettik qyzmet «bir ótinish» qaǵıdaty boıynsha kórsetile bastady.