3 myńnan astam adamǵa aıyppul salyndy: Bas prokýratýra ata-analarǵa eskertý jasady

<p>Bıylǵy 11 aıda elimiz boıynsha 3055 ata-anaǵa túngi ýaqytta balasyn qaraýsyz jibergeni úshin aıyppul salynǵan. Osy rette QR Bas prokýratýrasy ata-analarǵa <a href="https://www.gov.kz/memleket/entities/pravstat/press/news/details/669786?lang=kk" target="_blank" rel="noopener">eskertý</a> jasady.</p>

Kámeletke tolmaǵandarǵa zańdy ókilderiniń ertip júrýinsiz túngi ýaqytta oıyn-saýyq mekemelerinde nemese turǵynjaıdan tys jerde bolǵany úshin ákimshilik jaýapkershilik kózdelgen.

Qoldanystaǵy zańnamaǵa sáıkes kámeletke tolmaǵan balalar qoǵamdyq oryndarda túngi ýaqytta tek zańdy ókildermen birge júre alady. Bul degenimiz, on segiz jasqa tolmaǵan kez-kelgen balaǵa túngi ýaqytta zańdy ókilsiz úıden tys jerde bolýǵa tyıym salynady.

ÁQBtK-niń 442-baby 1-bóligi boıynsha (kámeletke tolmaǵandardyń túngi ýaqytta zańdy ókilderiniń erip júrýinsiz saǵat 22-den tańǵy 6-ǵa deıin oıyn-saýyq mekemelerinde bolýy) – zańdy ókilderine úsh aılyq eseptik kórsetkish mólsherinde aıyppul qarastyrylǵan. 2023 jyly bul 10 350 teńgeni quraıdy.

Bıylǵy 11 aıda 3 055 tulǵa 17 264 409 teńge somasyna aıyppul túrindegi ákimshilik jaýapqa tartyldy.

ÁQBtK-niń 442-baby 2-bóligi boıynsha (kámeletke tolmaǵandardyń zańdy ókilderiniń erip júrýinsiz turǵynjaıdan tys jerde saǵat 23-ten tańǵy 6-ǵa deıin bolýy) - zańdy ókilderine eskertý jasaýǵa ákep soǵady. Osy normany buzǵany úshin 86-dan astam tulǵaǵa eskertý túrindegi jaza taǵaıyndalǵan.

Sonymen qatar, ákimshilik jaza qoldanylǵannan keıin bir jyl ishinde quqyq buzýshylyqty qaıtalap jasaǵany úshin (ÁQBtK 442-baby 3-bóligi) 2 768 tulǵaǵa 40 595 122 teńge kóleminde aıyppul salyndy. Aıyppul jeti aılyq eseptik kórsetkishti, ıaǵnı 24 150 teńgeni quraıdy.

Aımaq boıynsha atalǵan sanattaǵy eń kóp quqyq buzýshylyqtar:

Almaty qalasy - 7 135,

Jambyl – 6 670,

Qyzylorda – 6 196,

Mańǵystaý – 6 117,

Túrkistan – 5 889 oblystarynda tirkelgen.

«Qurmetti ata-analar, balalaryńyzǵa zańdy ókilderiniń ertip júrýinsiz túngi ýaqytta oıyn-saýyq mekemelerinde nemese turǵynjaıdan tys jerde bolǵany úshin jaýapkershilik bar ekenin túsindirip, eske salýdy suraımyz. Balalaryńyzǵa qamqorlyq jasańyz!»,-delingen Qazaqstan Respýblıkasy Bas prokýratýrasynyń Quqyqtyq statıstıka jáne arnaıy esepke alý jónindegi komıteti taratqan habarlamada.