3 qyrkúıek. QazAqparat kúntizbesi
ATAÝLY KÚNDER
Qazaqstanda munaı-gaz kesheni qyzmetkerleriniń kúni
Bul kásibı mereke qyrkúıektiń birinshi jeksenbisinde atalyp ótiledi. Atalǵan merekeniń tarıhy sovet dáýirinen bastaý alǵan. Al Táýelsiz Qazaqstanda resmı túrde kásibı mereke retinde Qazaqstan Respýblıkasy Prezıdentiniń Jarlyǵymen 2003 jyly bekitildi. Sondaı-aq bul mereke munaı jáne gaz ındýstrııasynda eńbek etetin barlyq jumysshyǵa arnalady. Armenııa, Belarýs, Qyrǵyzstan, Moldova men Reseıde de atalyp ótiledi.
ESTE QALAR OQIǴALAR
1998 jyly Qazaqstan Respýblıkasynyń Prezıdentiniń Jarlyǵymen Almaty oblysy Qaskeleń aýdanynyń ataýy Qarasaı aýdany bolyp ózgerdi.
2009 jyly Qazaqstan Respýblıkasy Prezıdentiniń Jarlyǵymen Aqmola oblysynyń Şýche aýdany Býrabaı aýdany dep ózgertildi.
2010 jyly «Eýrosport» telearnasy Qazaqstannyń tabysty jas sportshylary týraly «Jas úmit» telejobasyn iske qosty. Onyń maqsaty – Qazaqstannyń sporttyq áleýetin kórsetý, sonymen qatar tsıkldy baǵdarlamalar arqyly osy eldiń mádenıeti men qundylyqtary jóninde maǵlumat berý.
2012 jyly Nazarbaev Ýnıversıtetinde Qazaqstan Prezıdenti ınteraktıv dáris oqydy. Lektsııanyń aldynda jańa «Bilim» telearnasy iske qosyldy. Arnadan dáris tikeleı efırde kórsetildi.
2012 jyly Esentýkı Kavkaz mıneraldy sýlary tobyna kiretin Reseıdegi eń iri jáne tanymal emdik sýy men balshyqpen emdeıtin kýrortynda tolyq jańartylǵan «Qazaqstan» sanatorııi ashyldy.
2013 jyly Qazaqstan halyq sýretshisi Áýbákir Ysmaıylovtyń júz jyldyǵyna oraı úsh tilde (qazaq, orys, aǵylshyn) «Álem kóshpendi boıaýynda» atty kitap-albomy jaryq kórdi. Budan bólek, sýretshi otbasynyń nusqaýymen reseılik sarapshylardy tarta otyryp, derekti fılm túsirildi. 30 mınýttyq fılmde qylqalam sheberiniń taǵdyry, óner joly sóz boldy.
2021 jyly Qostanaıda qazaq jýrnalıstıkasynyń damýyna baǵa jetpes úles qosqan jazýshy-jýrnalıst Ábilfaıyz Ydyrysovqa arnalǵan memorıaldyq taqtanyń ashylýy ótti. Ǵalym retinde ol tek dáris oqyp qana qoımaı, sonymen qatar osy salada teńdesi joq oqýlyqtar jazdy.
2021 jyly Túrkııada «Qazaqfılm» kınostýdııasynda shyǵarylǵan «Tomırıs» kórkem fılmi prokatqa shyqty. Kórsetilim búkil el boıynsha 200-den astam kınoteatrda ótti. Uly dala patshaıymy týraly kartınany kórsetý quqyǵyna Amerıka, Ulybrıtanııa, Italııa, Ispanııa, Japonııa, Taıaý Shyǵys, Ońtústik Koreıa, TMD, Sıngapýr, Rýmynııa jáne Frantsııa elderiniń dıstrıbıýtorlary ıe boldy.