3 qańtar. Tulǵalar týǵan kún

<p><strong>Búgin, </strong><strong>3</strong><strong> qańtar kúni tulǵalardan kimder dúnıege kelgen? </strong><a href="https://kaz.inform.kz/news/1-kantar-tulgalar-tugan-kun-58dff0/Kazinform." target="_blank" rel="noopener"><em>Kazinform</em></a><strong> oqyrmandaryna esimder kúntizbesin usynady.</strong></p>

ESІMDER

61 jyl buryn (1963) Qazaqstan Respýblıkasy Prezıdenti Ákimshiliginiń Quqyq qorǵaý júıesi bóliminiń meńgerýshisi Alekseı Dmıtrıevıch KALAIChIDI dúnıege kelgen.

Ol Frýnze polıtehnıka ınstıtýtyn (1985); KSRO ІІM Joǵary kýrsyn (1990); E.A. Bóketov atyndaǵy Qaraǵandy memlekettik ýnıversıtetin (2008) bitirgen.

Eńbek joly: 1985 jyldan Qyrǵyz KSR Toqmaq qalasy №93 arnaıy basqarmasynyń sheberi, Shymkent qalasyndaǵy memlekettik jobalaý ınstıtýtynyń ınjeneri. Іshki ister organdaryndaǵy qyzmetin 1990 jyldyń sáýirinen Shymkent oblysy Abaı AІІB qylmystyq izdestirý bólimshesiniń jedel ýákili bolyp bastaǵan. 1990-2005 jyldary ishki ister organdarynda ártúrli orta jáne aǵa basshylyq quram laýazymdarynda qyzmet atqarǵan. 2005-2009 jyldary Mınıstrliktiń ortalyq apparatynda basshylyq laýazymdarda qyzmet etken. 2005-2006 jyldary Qazaqstan Respýblıkasy ІІM Zań basqarmasynyń bastyǵy; 2006 jyldyń aqpany men shildesi aralyǵynda – ІІM Zań departamenti bastyǵynyń orynbasary; 2006 jyldyń shildesi men qazany aralyǵynda – ІІM Kadr jumysy departamenti Jeke quram jónindegi ınspektsııanyń bastyǵy qyzmetinde boldy. 2006-2008 jyldary Jambyl oblysy ІІD bastyǵynyń tárbıe jáne kadr jumysy jónindegi orynbasary, 2008-2009 jyldary ІІM Zań departamentiniń bastyǵy, 2009-2016 jyldary QR Prezıdenti Ákimshiliginiń ınspektory, sektor meńgerýshisi, quqyq qorǵaý júıesi bólimi meńgerýshisiniń orynbasary, 2016-2019 jyldary QR Prezıdenti Ákimshiligi quqyq qorǵaý júıesi bóliminiń meńgerýshisi, 2019-2021 jyldary QR Іshki ister mınıstriniń orynbasary, 2021-2023 jyldary QR Prezıdenti Ákimshiliginiń Qaýipsizdik jáne quqyqtyq tártip bóliminiń meńgerýshisi qyzmetin atqardy.

Qazirgi laýazymyn 2023 jylǵy qyrkúıekten beri atqaryp keledi.

«Qurmet» ordenimen, mereıtoılyq medaldarmen marapattalǵan.

59 jyl buryn (1965) Qazaqstan halqy Assambleıasy Tóraǵasynyń orynbasary, Qazaqstan Respýblıkasy Prezıdenti Ákimshiliginiń Qazaqstan halqy Assambleıasy hatshylyǵynyń meńgerýshisi Marat Almasuly ÁZІLHANOV dúnıege kelgen.

Qyzylorda oblysynyń Qazaly qalasynda týǵan. Qaraǵandy memlekettik ýnıversıtetin emdeý isi (1988) mamandyǵy; QR Ulttyq qaýipsizdik komıtetiniń Akademııasyn quqyqtaný mamandyǵy boıynsha (2000) bitirgen.

Eńbek joly: 1988-1992 jyldary Qyzylorda qalasynda dáriger-hırýrg, 1992-2011 jyldary QR ulttyq qaýipsizdik organdarynda qyzmet atqardy, 2011-2013 jyldary QR Din isteri jónindegi agenttigi tóraǵasynyń orynbasary, 2013-2014 jyldary QR Din isteri jónindegi agenttiginiń tóraǵasy, 2014-2016 jyldary QR Mádenıet jáne sport vıtse-mınıstri, 2016-2018 jyldary QR Din isteri jáne azamattyq qoǵam mınıstrliginiń jaýapty hatshysy, 2018-2019 jyldary QR Qoǵamdyq damý mınıstrliginiń jaýapty hatshysy, 2019-2021 jyldary QR Aqparat jáne qoǵamdyq damý vıtse-mınıstri qyzmetin atqardy.

Qazirgi laýazymyn 2021 jylǵy sáýirden beri atqaryp keledi.

«Qurmet» ordenimen (2016); ІІІ dárejeli «Minsiz qyzmet úshin» (2003), ІІ dárejeli «Minsiz qyzmet úshin» (2007), «Jaýyngerlik erligi úshin» (2009), «Astananyń 10 jyldyǵy» (2008), «Qazaqstan Respýblıkasynyń Táýelsizdigine 20 jyl» (2011), «Qazaqstan Respýblıkasynyń Konstıtýtsııasyna 20 jyl» (2015), «Qazaqstan halqy Assambleıasyna 20 jyl» (2015), «Qazaqstan Respýblıkasynyń Táýelsizdigine 25 jyl» (2016) medaldarymen; QR Qurmet gramotasymen marapattalǵan (2001). Qazaqstan Respýblıkasy Prezıdentiniń Alǵys haty berilgen (2010).

51 jyl buryn (1973) VIII saılanǵan Qazaqstan Respýblıkasy Parlamenti Májilisiniń depýtaty, áleýmettik-mádenı damý komıtetiniń hatshysy Nurgúl TAÝ dúnıege keldi.

1995 jyly Abaı atyndaǵy Almaty memlekettik ýnıversıtetin «Pedagogıka jáne bastaýysh oqytý ádistemesi» mamandyǵy boıynsha bitirgen. 2000 jyly Abaı atyndaǵy Almaty memlekettik ýnıversıtetin «Saıasattaný» mamandyǵy boıynsha bitirgen. 2011-2014 jyldary «Bolashaq» baǵdarlamasy boıynsha magıstratýrany bitirgen, mamandyǵy: Bilim salasyndaǵy basqarý (MA in Education, University of Sheffield, United Kingdom). 2021-2022 jyldary «Bolashaq» baǵdarlamasy boıynsha taǵylymdamadan ótken, mamandyǵy: Memlekettik basqarý (Internship program, Sol Price School of Public policy, University of Southern California, USA).

Eńbek jolyn Almaty qalasy, Qazaqstan-Reseı ınjenerlik-ekonomıkalyq kolledjiniń oqý bóliminiń ádiskeri, oqytýshysy retinde bastady. 2000-2002 jyldary Almaty qalasy, Qazaqstan-Reseı ınjenerlik-ekonomıkalyq kolledjiniń kadr bóliminiń ınspektory, 2006-2008 jyldary Almaty qalasy Bilim departamentiniń tárbıe jumysy bóliminiń bas mamany, 2008-2015 jyldary Almaty qalasy Bilim basqarmasynyń adamgershilik-rýhanı tárbıe jáne ózin-ózi taný bóliminiń bas mamany, 2015-2021 jyldary Almaty qalasy Bilim basqarmasynyń adamgershilik-rýhanı tárbıe jáne ózin-ózi taný bóliminiń basshysy qyzmetin atqardy. 2022-2023 jyldary Almaty qalasy Bilim basqarmasynyń tárbıe jáne mektepke deıingi bilim berý bóliminiń basshysy.

Qazirgi qyzmetin 2023 jyldyń naýryz aıynan bastap atqaryp keledi.