3 qaladaǵy áýejaılardyń jumysy ýaqytsha toqtatyldy
14:12, 06 Qańtar 2022
NUR-SULTAN. QazAqparat – Elimizdiń Almaty, Aqtóbe jáne Aqtaý qalasynda áýejaı ýaqytsha jumys istemeı tur, dep habarlaıdy QazAqparat tilshisi Habar 24 telearnasyna silteme jasap.
Almaty qalasynyń áýejaıy ýaqytsha jumys istemeı tur. Bul jóninde mekemeniń baspasóz qyzmeti málimdedi. Sonymen qatar Scat áýe kompanııasy Aqtaý men Aqtóbe qalasy áýejaıynyń jumysy da toqtatylǵanyn rastap otyr. Búgin bul qalalarǵa qatynaıtyn áýe reısteri toqtatyldy. Bıletterdi satyp alǵan jerden qaıta ótkizýge bolady. Jolaýshylar úshin úzdiksiz jedel jeli iske qosyldy. 87252 99-88 -80 nómirine habarlasyp áýe reısteri boıynsha aqparatty alýǵa bolady.
Atalǵan telearnanyń habarlaýynsha, elordanyń áýejaıy tolyq shtatta jumys istep tur.